Miss 幫我補M2的，學校進度好快，我完全跟唔到，係堂上做練習連一題都做唔到，考試什至攞個位教 Miss 好用心咁用七個月嘅時間，慢慢由零開始教，真係差唔多由最基本教起，佢仲會介紹啲notes同網站，等我得閒果陣自己去溫習。 佢好有耐心咁教我，就算我連基本嘅嘢唔識果陣都冇鬧我同放棄我，佢甚至會一星期同我補多幾堂，有時仲會超時 最後DSE有3，雖然成績唔係好高，但係我已經好滿足，真係好多謝佢。

老師大多親身經歷中學文憑試，有考試經驗，並熟識考試要求，有獨特方式幫助應屆學生考試，老師大多細心，幫助同學解惑，讓同學能避開誤區，而且老師認真準備材料，讓同學能在溫習時複習補習材料，另外，老師能耐心教導同學，協助同學能透徹地理解學科知識。 (Tutor 7588)

以前學校一直predict level 4，而且英文speaking係特別弱可能只有level3。但係補習啊sir有好多好好記嘅技巧apply去卷二卷四令我覺得做卷輕鬆左，而且每堂最後都會有speaking practice。最後好開心英文有5 而且最差嘅speaking有5*，真係覺得啊sir幫到我好多👍 (Tutor 5832)

之前一直覺得自己成績很差,溫書往往提不起勁,遇到難題的時候容易放棄,但後來我在尋補找了適合我的導師之後,成績逐漸得到改善,導師們都很耐心教導我,即使在家中我亦能夠以社交軟件問出我的問題,都很樂意解答我,最後我在文憑試中取得不錯的成績,很感謝一直教導我的導師們。 (Tutor 3426)

我由一開始lv1，開始補呢位女導師，我都好慶幸遇到呢位導師，佢用適合我嘅方法教導我中文，首先系操卷，然後再針對我每一個有問題嘅位指證，再教我點先為之好，而且佢幫我分好每一份卷嘅温習時間，時間管理做得好好，最終由lv1升到lv3我真系好感激佢。亦都好高興係機緣巧合之下知道有呢個尋補嘅機構，令我有機會認識倒呢位老師，從而令我係Dse中文科獲取三級嘅成績。謝謝！ (Tutor 4109)

補左ls好似真係幫到我👍🏻本來模擬預測我ls2，而且我ies都係岩岩合格，對呢科已經冇咩信心拎高分，所以搵你地私補，之前都講過miss好有心好給力，過左時都照同我補，又比哂佢既筆記我，比我溫，番到屋企即使有問題都可以wts番miss問，解答好詳細👍🏻👍🏻放榜果日見到呢個成績非常滿意😁雖然未能入u，但都好多謝尋補！ (Tutor 2148)

一開始老師評分話我最多得Lv3，Lv4冇可能升到，我覺得呢個唔係我希望嘅成績，所以就搵左tutor circle嘅導師，一補就4個月，每堂都有大量嘅練習可以做，好似mock咁操卷，導師會改完之後會好仔細咁講邊到做得唔好邊到可以再做好啲，導師都會比唔同嘅concept words會俾我考試用，亦會同我分析過往嘅試題，最後可以係DSE攞到5都係靠佢，多謝晒。 (Tutor 2686)

兩位老師都好好，好努力咁教我，又用心改我啲練習，英文文法教得好好， 中文亦有好多技巧比我到學。英文我底好差，所以老師教既基礎野好有用，又教左好多有用既詞語，所以分卷都進步左。中文主要教返dse要用既技巧，令我更加掌握考評局既要求，得到拎分既要訣。而且佢地都比左好多練習我做，令我可以持續咁溫習。 (Tutor 2537 (CHI))

我叫Eva，來自一間band2尾的中學。一直以來英文好差，不懂拼音，作文tense錯到老師覺得無救。中四中五都覺得無乜所謂，吾緊要。到中六， 身邊有好多同學開始去補習社補習，我就開始有危機感。 自知自己英文極差， 上補習社都唔會聽得明佢哋嗰啲嘢，所以就想搵一個私補老師。 喺搵上尋補之前我係有一個不負責任不準時嘅補習老師，結果佢自己炒咗自己魷魚。某程度上尋補嘅miss係接咗上一個不負責任嘅老師嘅爛攤子。 所以我特別要讚揚Elaine，一個地區名校畢業既女孩。佢好盡心去教我地，上堂落堂都系，好快回覆wts。佢會Chur住我地交功課（ 英文作文），教我地做paper。（特別係聆聽卷）喺佢幫我補習嘅日子，會見到自己成長。 佢係一個好盡心好盡力教學嘅人，佢過左鍾又吾額外收錢（曾經試過過咗兩個鐘），系一個真心教學既miss。呢5個月，喺佢努力教學下，加上我嘅勤力， 化腐朽為神奇將我由一個u嘅學生升到上lv.2， 唔使讀found dip，直上asso。 可能對好多人去過都唔算得啲咩嘢，但係對我一個英文底差到小學生都唔係嘅人，拎到呢個成績入到asso已經好心滿意足。 (Tutor 2284)

中六啱啱開學嗰陣透過呢到同朋友一齊自組小組補英文 miss係hku year 1學生 本身都有幾個名校嘅學生 因為呢個緣故我地練speaking嘅時候都可以同佢地一齊練 令到練習更加有效果 今次dse miss都幫左我好多 我本身英文都ok 但係grammar同vocab比較差 成績一路都係predict得4左右 miss喺reading卷到幫左我好多 教左我啲skills令到我嘅paper 1嘅accuracy由5/6成分上到9成幾 今次paper 1都5**左☺️ 以前一路都無補過英文 好好彩嗰陣做左呢個決定 喺到揾到個好好嘅miss幫我準備好dse 令我可以充滿信心咁去應付今次嘅考試 thank you! (Tutor 1114)

好多謝尋補幫我揾到咁好嘅老師！本身中五下學期被學校Predict攞Level 2真係好迷惘，原本諗住撞彩試下揾私補老師,無諗過最後竟然可以攞到level 4!!老師好有經驗，好有耐性，無嫌我學得慢，諗咗好多個方法去幫我。跟老師學左五個月，成績升得好快，學校老師都覺得好神奇。老師好有心，俾好多題目我做，想我操多啲快啲進步。多謝你啊Sir ! 好彩最後都冇辜負你。 (Tutor 12507)

我小學嗰陣成績唔係咁好，升中嗰時好彩俾我升咗去Band 1英中，但成績跟得好辛苦，尤其係英文，初中嗰陣好洩氣，好似咩方法都行唔通，好彩中四媽咪係尋補揀咗Miss幫我補英文。記得一開始我好抗拒學英文，學習態度好差，但Miss 都好俾心機教我，鼓勵我，最後我由唔合格嘅成績變咗學校嘅上游。DSE仲可以攞到Level 5。如果唔係遇到Miss 我一定冇咁嘅成績。 (Tutor 12883)

細個唔鐘意睇書，搞到中文好差。學校老師又教得好悶，所以我都好冇心機學。原本以為DSE死緊，好彩係到揾到 啊Sir ,先知原來中文冇想像中咁難，有技巧就可以好似計數咁砌。雖然我中六上學期先補，但成績進步得好快，學校pre我得Level 2 但放榜竟然有Level 4 !順利入到 U！我啲同學都覺得好離奇。多謝你啊 Sir 係你幫我創造奇蹟！ (Tutor 13539)

上左中學之後數學就冇合格過，本身諗住渾渾噩噩咁過咗佢就算。但係有次考試得3X分就終於的起心肝揾老師，Peter Sir 好有經驗，可以跟據我嘅程度遂啲遂啲幫我，唔會好似一般補習社咁塞份Notes 俾我就算，記得我第一次合格嗰時真係好感動。如果唔係遇到 Peter Sir 我都唔敢想像自己可以合格！最後衝刺嗰陣Peter Sir 俾左好多題目我操，唔介意成日要幫我解題，放榜我竟然可以有Level 4。真係好多謝Peter Sir! (Tutor 12461)

通識對我嚟講真係好難，學校老師剩係識教內容，但我完全唔識答題技巧。所以通識成績好飄忽。去到中六終於頂唔順要搵老師補習。啊Sir 好有經驗，筆記好豐富、好清𥇦。原本剩係識背例子，跟咗啊 Sir 先知原來好多野要學。之後啲成績終於穩定返，一路到去考DSE。好彩有啊 Sir 我先拎到個Level 5，如果唔係都唔知點算。 (Tutor 13101)

我成日好怕講英文，驚講錯俾人笑。一直以嚟英文成績認真麻麻，係合格邊緣徘徊。去到中六先真係識驚，驚最後得Level 2。最後揾到Miss Lui 幫我補。初初驚佢會嫌我渣啲濟，但Miss 反而鼓勵我，叫我唔好灰心。佢好有耐性咁教我，從我啲Grammar 開始執，仲教咗我好多答題技巧。慢慢我都對英文有啲信心，Oral 都好有進步。最後DSE 都可以攞到個Level 3，真係好多謝Miss Lui ! (Tutor 13670)

中三嗰時揀咗Bio 以為剩係背野就得，點知一上到去就炒曬，先知原來Bio 咁難。原本好灰心，以為自己揀錯科。好彩係尋補到搵到啊 Sir，學校老師剩係識講Past Paper ，但啊 Sir 會自己整 notes 好有心機教。佢知我唔合格，從低講起。補左三個月就冇試過唔合格，成績仲一直升，中六上學期考試仲試過Bio攞全級第三。最後放榜仲有 5* 如果冇咗啊 Sir 我一定得Level 2、3，真係好多謝啊 Sir ! (Tutor 13224)

細細個就好中意科學野，所以中三揀咗Physics。上到去成績唔錯，但一直kick咗係Level 5樽頸位。我好想攞星，但又揾唔到人幫手。好彩中六嗰時揾到Miss ,Miss 好勁攞 5**，佢教咗我好多技巧，又同我分享佢嘅考試經驗。最後衝刺階段仲同我操卷、解卷，最於放榜攞到 5** ，真係好多謝Miss 幫我完夢！ (Tutor 12550)