台灣簽證 香港 網上

【台灣簽證】香港 網上 – 台灣簽證記住搞 去台灣玩仲有咩要注意?

  • Post author:
  • Post category:小編分享
  • Post published:2018-12-27
  • Post last modified:2018-12-27
studentconversion
tutor registration

台灣一向係香港人去旅行嘅熱門地點之一,無論係春夏秋冬,一年四季,放長假定黎個快閃,都會有朋友揀去台灣玩。一黎台灣語言又通,地理位置又近,飲食口味同香港人都相似,而且消費仲唔貴tim!所以真係成日都聽到有人話要去台灣架~而家就等Tutor Circle尋補話比大家知去台灣玩有咩要注意,中意去台灣玩嘅你一定唔可以錯過喇!
 


1. 台灣簽證

香港人去台灣玩係需要簽證架,如果時間充足而屋企又有printer的話,搞網上簽證就最好喇。如果你係係香港出世嘅話,你就可以去搞網上簽證喇,費用全免,而且仲要係即時批核嘅tim,半夜先醒起要搞都唔怕啊!但如果你並唔係係香港出生嘅話又係第一次入台灣境嘅話就麻煩少少喇,需要親身去到金鐘嘅臺北經濟文化辦事處進行書面申請,記得要預返少少時間。另外,香港出世或者曾經去過台灣嘅朋友仔都可以搞「落地簽證」,即係係台灣嘅機場先即時搞簽證,不過就要收費台幣300蚊~
台灣簽證 香港 網上
 

2. 台幣兌換

去旅行梗係洗錢架啦!所以唱錢換番當地貨幣係唔少得嘅環節,根據以往經驗,一般都係事先係香港嘅ATM開通左香港境外提款嘅功能先,去到當地再搵可以提供國際銀行服務嘅ATM撳錢就最抵喇,不過就記住要事前預計好大約會洗幾多,因為手續錢係逐次計嘅,所以係旅程嘅開頭一次過撳晒需要嘅錢就最著數啦~另外而家係台灣都可以使用微信支付(WeChat Pay)同埋支付寶比錢,手機付款嘅普及程度同香港差唔多,只係震注意嘅係支付寶同AlipayHK,香港版嘅支付寶暫時都只係可以係香港境內使用咋~
台灣簽證 香港 網上
 



3. 上網問題

智能電話普及左之後,相信都冇乜人會再成日打電話,取而代之嘅都係WhatsApp較多,所以電訊計劃亦都由以前鬥sell多通話分鐘,變左係數據供量嘅鬥爭。去到當地機場再出卡都有好多選擇,各家電訊商提供嘅plan都大同小異,而家主打都係無限上網,價錢亦都差唔多,諗住出電話卡嘅朋友仔到時可以睇下邊間條隊冇喧長就買邊間。同埋亦都唔洗擔心換卡麻煩嘅問題,通常職員都會問你洗唔洗幫你入埋,然後會比個袋仔裝好原先張電話卡,而且台灣電話卡係一插即用,唔洗再搞setting果D,所以都有唔少人去台灣人中意出電話卡架。如果係一班朋友一齊去,成日都會黐埋一齊都可以選擇share Wi-Fi蛋,會平D架~
台灣簽證 香港 網上
 


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

4. 天氣問題

台灣嘅天氣同香港都大致差唔多,夏天都係咁熱,冬天都係唔太凍,而且雨季嘅月份都差唔多時間,五至六月係梅雨季,七至九月就會間唔中打下風,所以執行李嘅時候帶返平時係香港著緊嘅衫就ok喇!但如果你係去郊區啲,少啲高樓大廈嘅地方,或者係近海邊,唔係內陸嘅話,例如係花蓮、墾丁或者綠島呢啲地方就可能會有少少涼同埋有啲風,就算夏天去都要帶件薄薄地嘅外套,廢時入夜冇太陽嘅時候會涼啊~
台灣簽證 香港 網上
計劃緊去台灣旅行嘅朋友仔,記得check清楚,執好晒野搞掂晒啲野先出發喇~祝大家度過愉快嘅時光
 
【延伸閱讀】台灣落地簽證 – 到埗但無搞入台證,仍然有拯救方法
【延伸閱讀】那些年,你或許顧著遊歷而沒為意的系列  – 台灣篇
 
此文章純屬 Blogger 個人分享,並不代表本網誌立場。
 

想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師

 

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebook  Instagram,尋補?Tutor Circle
 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

 

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言