You are currently viewing 【都市病】都市人壞習慣s 你中左幾多?

【都市病】都市人壞習慣s 你中左幾多?

  • Post author:
  • Post category:小編分享
  • Post published:2020-06-05
  • Post last modified:2020-06-05

作為一個都市人,一定聽過好多次都市病!大家唔多唔少都會有啲都市特有嘅小習慣,有哩啲小習慣又係唔係好事呢?你覺得自己嘅身體仲健唔健康呢?其實會唔會已經患上都市病呢?都市人逐漸因為工作同生活習慣令到自己嘅身體越黎越差,染上都市病,今日Tutor Circle尋補就黎同大家探究一下都市病啦!

小學練習


咩叫都市病

當一個地方發展得越黎越好嘅時候,都市病(又稱文明病)就會隨之出現。都市病嘅成因主要係飲食、生活環境、工作壓力以及生活習慣。常見嘅都市病包括肥胖症心臟病阿茲海默病等。現代都市人嘅各種陋習也是促成都市病的主要成因之一。

必須戒掉的陋習

1. 挨夜

都市人最難戒掉嘅陋習之一應該就係挨夜!都市病嘅最大成因都係挨夜!現今社會嘅夜生活越黎越豐富,將近半夜嘅時間都依然有好多各式各樣嘅餐廳營業緊,令到好多現代都市人都會係深夜嘅時間同朋友聚會。香港人平均嘅睡眠時間不足8小時。身體係長期不夠睡眠嘅情況下,抵抗能力等身體素質會不斷下降,各種機能以及身體系統都會受到干擾,令身體無法正常運作。長久以來,毒素便會積聚在身體裡,令健康受損。【睡眠資料來源:愈訓愈少 全球面臨「睡眠災難」



愈熬愈殘⋯⋯ 圖片來源


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

2. 少菜多肉

都市病成因二,飲食習慣。都市人嘅飲食習慣亦都令人堪憂⋯⋯每一日嘅午餐,大家都唔難見到各式各樣嘅餐廳營業緊,而佢地所提供嘅食物大多都是多鹽、多油、多糖嘅。以十分受港人歡迎嘅叉雞飯為例,鋪滿油飯嘅係滿滿嘅叉燒同油雞,菜嘅份量可能係一條。菜,係茶餐廳嘅午餐裡面,擔當緊一個裝飾品嘅角色,葷素份量極其參次。

 

叉雞飯 圖片來源

3. 缺乏時間做運動

都市病成因三,缺乏運動。現今大多都市人平均每星期的運動量都少於一小時,作為都市人,大多數人嘅體能有每況愈下之勢,都係拜缺乏運動所賜;好多都市人患上退化性疾病,其實都係同缺乏運動有關。人體嘅筋骨關節設計就係適合各種運動,如果缺乏運動,關節嘅活動能力就會顯著大減,慢慢退化。再者,加上熬夜同埋不良飲食習慣,導致身體毒素積聚無法排除,形成肥胖體態。一個惡性循環就咁開始了⋯

運動與健康 圖片來源

如何養成健康習慣

1. 保持充足睡眠

都市人可能會覺得保持充足睡眠係一件好難完成嘅事,但係只要可以控制自己玩手機嘅習慣,唔好係床上睡前玩手機,就可以更容易入睡。好多都市人嘅失眠症狀其實源於大腦難以休息,哩種情況最大成因就係訓前一直玩手機。放下「屠刀」就可以訓著㗎啦!

圖片來源

延伸閱讀:【開夜車必睇】Red Bull有咩副作用,如何健康地提神?
延伸閱讀:【健康生活】失眠點算好?10個簡單有效解決方法

2. 健康飲食

均衡飲食都強調要根據每個人嘅身材、年齡以及活動強度不同,每日所攝取嘅熱量也必須隨之調整,避免過多嘅熱量堆積。健康均衡飲食應包括全穀雜糧類、乳品類、豆魚蛋肉類、蔬菜類、水果類、以及油脂與堅果種子類。食出健康人生,你都可以㗎!

預防都市病就要食得健康!圖片來源

延伸閱讀:【抹茶好處】抹茶多好處好飲又健康 睇完即變抹茶控!

3. 恆常運動

保持恆常運動也是一個挑戰,所以小編建議大家可以選擇在碎片時間進行各種運動。因為都市人生活繁忙,很少有人可以每日固定地用1-2小時去做運動,所以小編自己嘅經歷就係用啲碎片時間去做運動;比如食完飯之後嘅20分鐘、睇電視嘅30分鐘等等。希望大家都可以一齊做下運動啦!

圖片來源

總結

健康生活對於好多人黎講已經慢慢變成一個奢侈,佢地可能每一日都要面對因疾病引起嘅傷痛⋯⋯而我地作為新世代嘅年輕人,應該趁我地仲擁有緊健康體魄嘅時候保護好自己,唔係年紀大機器壞,下一個就係我地㗎啦!小編想長命百歲㗎⋯⋯你地呢?
 
 
 
此文章純屬 Blogger 個人分享,並不代表本網誌立場。
 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

留言