上年聖誕呀b仲成舊飯，今年Jo 媽真係唔可以偷懶，安排左好多活動俾小jasmine 感受聖誕氣氛🎄

🌟聖誕打卡

香港各大商場都有聖誕佈置，一定要帶呀b四處走走，睇下燈飾感受節日氣氛！呀女好興奮四圍走，望住裝飾好好奇，開頭好怕聖誕樹😂到最後又騎鹿又騎馬，係咁指住叫Xmas tree🎄horse🎠

🌟bb聖誕嘉年華

好多playgroup學校都會舉辦嘉年華，小jasmine參加左幾個😂同朋友仔一齊玩攤位，又有歌舞表演唱聖誕歌呀b不停搖shaker又跳舞好hyper💃🏻仲有得同聖誕老人影相，而家見到聖誕老人都會哈哈哈大笑😂完左仲有聖誕禮物🎁俾小jasmine 感受下聖誕節的開心氣氛！

🌟屋企聖誕佈置

生小jasmine前我係從來唔會佈置屋企，又要花時間佈置之後又要收納好煩🫣但為左呀女要有儀式感，就買左一堆聖誕裝飾番屋企，一齊佈置聖誕樹，呀女成日指住大叫tree🎄

🌟bb聖誕派對

往年平安夜就係同朋友狂歡至深夜，今年就係同兩個family係屋企開聖誕party!幾個bb一齊玩玩具、食野、唱歌跳舞，大人細路都好開心😆聖誕節就係要一家人係屋企開派對🎉

🌟聖誕主題樂園

無論幾忙，爸爸媽媽都會拎假陪小jasmine玩全日，一齊去迪士尼搵佢最愛的Minnie過聖誕！一入園就見到好大棵聖誕樹😍仲可以睇米奇米尼跳舞唱聖誕歌，仲有飄雪❄️再一齊食聖誕大餐，洋溢住滿滿的聖誕氣氛🥰

帶佢認識聖誕節，真的親身感受比睇聖誕書好好多👍🏻陪呀女四圍去呀媽雖然好攰，但見到呀女咁開心所有野都值得！有女女一齊慶祝聖誕節好幸福🥰

延伸閱讀：
【親子好去處】小朋友要放電？免費新界西BB遊玩好去處推介！
【親子好去處】一歲bb迪士尼攻略！遊樂設施／表演節目／注意事項！

Jo媽

jo係80後的媽媽，有一個半歲大的女女小jasmine忙番工之餘喜歡同大家分享美食、生活和親子日常、打卡餐廳景點

留言