同性戀-故事

【同性戀】故事分享!旁人真係咁難接受?

同性戀真係咁難接受嗎?
我有一個同性戀嘅朋友
自從「佢」出櫃之後每一日都受盡唔同嘅目光
大家對「佢」嘅睇法就得返奇怪同噁心
「佢」聽得同多嘅說話就係
「乜你咁核突架 竟然鍾意男人?」
「佢鍾意男人會唔會連朋友都搞架」
「好噁心囉佢 成個女人咁 有冇自知之明架」
「佢」慢慢俾呢啲說話影響到情緒
唔夠膽再出街 連學都唔夠膽返
「佢」好驚大家會再對佢指指點點

小學練習


同性戀-故事
旁人真係咁難接受同性戀?

我好記得有一次「佢」打俾我
「佢」講嘅嘢我呢一世都會記得
「點解大家唔肯接受呢樣嘢?
同性戀又有咩問題 咁樣唔係都係愛咩
點解一定要分性別
點解我哋唔可以光明正大咁愛一個人
點解要俾大家當成異類
我哋真係咁反感咩
我真係好想可以好似大家咁
遇到鍾意嘅人就大膽示愛
話俾佢知我對佢嘅感受
但呢個世界嘅人令我完全唔敢做呢件事
令到我覺得愛一個人變得好辛苦
既然呢個世界令我咁辛苦
我都冇心機再生活喺個咁嘅世界
多數你一直以嚟對我嘅支持同安慰
但我真係太大壓力
再見」
我問都問唔切「佢」喺邊嘅時候
「佢」已經收咗線
我再下一次見到「佢」嘅時候已經係喺醫院
「佢」離開咗呢個世界…
「佢」曾經係一個好樂觀嘅人
次次見到「佢」都一定係笑緊
有邊個會估到「佢」咁快就離開
從始我身邊就少咗個好好嘅朋友…

「佢」離開咗呢個世界之後大家都好快收到消息
大家對佢都仲係各種批評
對呢事件完全冇愧疚心
覺得「佢」抵死 話佢早死早着
仲話呢個世界少咗「佢」呢啲人會好好多
完全唔覺得係自己害死咗「佢」
從始「佢」就消失喺大家嘅記憶中…



(本故事純粹虛構)

睇完呢個故事之後
希望大家可以諗下
究竟同性戀係咪真係咁難接受呢?
點解大家要戴住有色眼鏡去睇同性戀嘅人呢?
其實同性戀同異性戀都值得大家尊重
性別係咪真係咁重要呢?
同性戀嘅愛係咪就唔係愛呢?
希望大家可以俾同性戀嘅人多啲支持。

投稿:蘋果

延伸閱讀:
【愛情經歷】酸甜苦辣鹹 五味皆全|愛情隨筆
【出pool】點解個個都出晒pool拍拖,而我仲係A緊呢?因為…
【國際陰陽人團結日】認識節日來源 拆解3大迷思/誤解

留言