【產後情緒支援】湊仔湊到透唔到氣 需要呻但無人肯聽?

【產後情緒支援】湊仔湊到透唔到氣 需要呻但無人肯聽?

  • Post author:
  • Post category:親子專欄
  • Post published:2021-12-15
  • Post last modified:2021-12-15
studentconversion
tutor registration

記得唔好忽略自己既心理健康呀~
之前我咪有一個po係講口水疹既,其實係有後續的。
卡樂b平時牙痕會食手指之外,訓教訓到半醒個陣都會食,因為係有安慰作用的。但係封印對手既呢段期間,因為食唔到手指,取而代之我地係會比奶咀佢食的,但當夜晚訓教個陣個奶咀啜唔實跌左,佢就會嚇醒之後大喊,一晚起幾次,搞到佢呢段時間夜晚成日都訓得唔穩,其實無論係佢定我地,都幾辛苦的

之後我地見佢塊面好到9成,解封佢對手,諗住夜晚應該可以一教訓天光啦,點知佢依然係一晚起幾次,依然係會因為無左個奶咀喊,我地先發現原來因為佢隻手比我地封得太耐,無左食手指個技能…😳

跟住我地每一晚都好痛苦,因為每晚都要起幾次身幫佢執奶咀比返佢食,搞到我好唔夠訓,成日都好易燥,有時卡樂b喊唔停既我真係會忟,仲有幾次大聲鬧左佢幾下。我知道咁樣係唔岩,鬧完當下其實我都好內疚,但因為好多時得我自己一個湊,有時真係連一個喘息既機會都無,所有野都好chur,個情緒真係好易崩潰😖。

其實我有嘗試同爸爸講,當係呻下,但佢感受唔到我個鬱結,因為係爸爸既角度,始終佢又要返工,放工返來又要湊仔,照道理應該係佢比較辛苦。佢唔明點解卡樂b咁得意,咁易滿足,但我都成日呻好辛苦,所以更加令到我個負面情緒走唔到出來。我記得有一日,卡樂b又係不停喊,我做乜都安慰唔到佢,突然我腦入面閃過一個念頭 ”我想走,我想離開,我唔想再係咁啦…”,當下我嚇一嚇,我知道自己有d唔妥,我要搵幫手,再唔係會出事…
之後我就上網搵下有無一d係關於產後既情緒支援,但好多都係要出去上course/辦公時間打電話,但因為我湊住個仔唔方便出去上/好難可以靜靜咁搵到個時間傾電話,所以我就想搵下有無d係24小時既網上平台。
誤打誤撞比我搵到 <Open噏> 呢個平台,我開頭睇佢個簡介,見到係for年青人,我心諗我都做左人呀媽,都不再年青,但因為我再搵唔到有其他平台,所以個一晚11點幾,我鼓起勇氣係佢地個網上聊天堂sd左個msg,亦都好快有個輔導員接左我個case,我一問先知佢地服務對象個年齡range係去到35歲🙈所以我個case係受理的。
當晚同個輔導員傾左大約1個半鐘,傾完之後真係成個人鬆曬,因為個輔導員令我真心覺得其實係有人明我的,另外佢仲建議我同卡樂b去上一d著重情緒/親子關係既育兒班,令我知道原來仲有後路可以行的,我覺得呢一點真係好重要,因為只要仲有路可以行,就唔會感到絕望,就可以避開好多悲劇。所以如果各位父母真係覺得湊仔湊到透唔到氣/好多負面情緒/需要呻但無人肯聽,又好似我咁走唔開無時間既,不妨去 <Open噏> 呢個平台度搵人傾下,傾完真係好d的~
媽媽心理健康
 
延伸閱讀:
【育兒好物推介】BB衫慳錢大法+平價換片床推薦!
【親子專欄】媽媽Blogger Frida 自我介紹



--------------------
👼🏻現正招募「親子Blogger」!你都想分享育兒資訊?
立即將1️⃣筆名、2️⃣FB/IG/Blog page及3️⃣個人簡介 send俾我哋!
按此👉🏻Email
按此👉🏻Whatsapp
記得註明【申請做親子Blogger】,可能下一篇就係你嘅文章啦!😍
--------------------

留言