報pn學前班-揀幼稚園的迷思及策略

【報pn學前班】揀幼稚園的迷思及策略

記得當龍鳳寶寶還是一歲多時,就要影定證件相準備報幼稚園pn班。其實初時都無諗住俾佢地讀pn班,但後尾發現原來好多幼稚園都係由pn直升k1,如果k1先報變左好難好難入。再加上之前我返全職,冇時間管教佢地,所以決定俾佢地上pn班。
之後聽好多媽媽話要報十間八間,驚唔收,無得讀書😱😱我諗無咁誇張吧~最後我只報了三間,而且三間都收佢地兩個上午班。
其實我覺得報幼稚園要有策略,唔係報夠十間八間就安心。我既目標係私幼,所以就報左三間私幼,而且報讀每一間也有佢既原因。
首先,可以選擇報一間中上既私幼,增加入讀既可能性。而且可以嘗試早一年插班,即早幾個月就讀pn。以龍鳳寶寶為例,他們二月出世,應該八月入學,即兩歲半入學。但我讓他們三月時,滿兩歲時,就找到一間中上既私幼讀住下午班先(因上午班無位,上午班的學位早就在上一年度入學的學生佔去了,那班學生早我們一年報讀的)。而且一入學就申請轉上午班,孖寶到了八月或九月入學時就可讀pn上午班。
有了這個後備,心就定了,但未入學前,不知那間中上的學校好不好,所以我另外報了兩間。
第二間就近屋企,而且有參觀它的Open day,有課堂示範,感覺良好。由於我教開書,所以我好注重教學,於是就報讀了。最後也收了他們入讀上午班。
第三間就係個個都話要報既名幼,個個都話要試下,而且我既教書朋友的仔女也是讀這間,口碑很好!所以抱住玩下既心理,在沒有準備和壓力下,收左佢地上午班。
其實要選擇由第一間學校轉到現在的學校,心裡也有爭扎,因為要蝕留位費,又要買過哂d校服等,而且讀得好地地。
但最後都知道無選擇錯,係依間學校,佢地真係讀得好開心,成日都話想返學~自己也觀過課,課程真係設計得好好,老師又有愛心和責任心,而且校長很專業,常常分享教育心得。
如果八月中能復課,小朋友可以返學,就做K1學生喇😀😀佢地個樣子真係大個左好多~
希望 疫情快快過去,小朋友有得返學啦~

 
延伸閱讀:
【升幼資訊】點揀幼稚園/幼兒園好呢?以過來人的身份分享報讀心得
【幼稚園Interview】名幼面試搞笑實錄
【幼稚園入學】幼稚園K1報名時間表 22/23年度入學必睇!
【幼稚園排名2021】全港Top100/分區名校排行榜及學費一覽

小學練習



--------------------
👼🏻現正招募「親子Blogger」!你都想分享育兒資訊?
立即將1️⃣筆名、2️⃣FB/IG/Blog page及3️⃣個人簡介 send俾我哋!
按此👉🏻Email
按此👉🏻Whatsapp
記得註明【申請做親子Blogger】,可能下一篇就係你嘅文章啦!😍
--------------------

留言