大埔小食

【行勻十八區・好玩好食大搜羅】– 大埔區篇

  • Post author:
  • Post category:吃喝玩樂
  • Post published:2019-02-12
  • Post last modified:2019-02-12
studentconversion
tutor registration

日日都去旺角、尖沙咀、銅鑼灣,人又多車又多,仲要黎黎去去都係果啲野,真係你唔悶我都悶啦!想同朋友仔,男/女朋友仔出去玩又想有啲新意,呢個系列一於帶你走入冷門啲嘅約會地點,重新探索香港。其實香港十八區,區區都有名物架!而家就即刻起身換衫,拎埋個袋,今日就同Tutor Circle尋補一齊走進大埔區睇下有咩玩啦!
 


1. 舊大埔警署

近年興打卡,一禮拜六日就會見到好多人拎著部相機周圍去,十足十遊客咁。離開鬧市,去到新界都有好多岩曬打卡嘅地方,大埔就有一個帶你走進時光隧道,返返去以前殖民地時期,睇下當時嘅警察局係點。舊大埔警署,又稱綠匯學苑,被列為香港嘅一級歷史建築,保留左以前嘅報案室、羈留室、槍械房、宿房及列隊步操場地等設施,充滿復古氣息,岩曬文青打卡架!
大埔小食
 

2. 香港鐵路博物館

博物館唔係得尖沙咀有架,入到黎大埔,係正市中心就有一個!香港鐵路博物館係香港文化博物館嘅分館黎嘅,仲係戶外博物館黎架tim!入面有超多架舊式火車任你影,影完出面仲可以走入一啲歷史車卡影埋,而且仲係免費入場嘅tim!唔使去十分,香港都可以影到靚靚路軌相啦~
大埔小食
 



3. 大埔海濱公園回歸紀念塔

大埔海濱公園係康文署轄下最大嘅公園,對正吐路港,又有好多花花草草,有山有水,一家大細去又得,拍拖同情人一齊去都係一個唔錯嘅選擇。特別要提嘅係公園入面有一座回歸紀念塔,螺旋型樓梯設計,全高32.4米,登塔頂可以睇曬成個吐露港同埋公園全景,夜晚會著燈變色,影相都好靚架。
大埔小食
 


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

4. 林村許願樹

大埔林村雖然一啲都唔就腳,但夠神心嘅朋友都一定會識!有朋友每年新年都會去林村許願樹拋寶牒祈願,拋寶牒即係扔個橙上去果啲呀!雖然依家為左保護曾經塌過嘅大榕樹,唔比扔上去真果棵樹,但市民可以將寶碟掛係許願鐵架度,或者拋上仿真許願樹度。只要夠誠心,願望都一定會實現嘅!
大埔小食
 

5. 三多炸肶本店

炸雞髀應該係繼燒雞翼之後另一樣人人都中意食嘅野,即叫即炸,外皮夠脆,入面仲有豐富肉汁,巨型炸雞肶加埋辣粉,越食越上癮。三多而家開到成行成市,全港都有分店,但識食一定係去返本店朝聖,一嘗三多炸肶嘅始祖味道。三多炸肶本店正係太和,不過要注意嘅係本店黃昏先開門,差唔多5點幾先等到佢架。
大埔小食
 

6. 蕃滿門本店

點解咁多好野食都係由大埔發源架!!番茄fans一定要識嘅番茄料理專門店蕃滿門 Tomato Club,佢嘅茄湯螺絲粉十分之出名架。當時就是係大埔做起,去到依家有幾間分店,身為fans當然都要去本店朝聖。真材實料嘅濃郁蕃茄湯,配意粉米線公仔麵通粉定螺絲粉都一樣咁好食,另外佢嘅雞翼都好好味架!
大埔小食
 
假日想抖下,唔一定要離開香港出走出旅行嘅。香港你都未去晒,或者你有機會搵到屬於自己嘅一片小天地呢!
今次同大家去左大埔區先!下次我地第二個區再見~
 
【延伸閱讀】【行勻十八區・好玩好食大搜羅】– 荃灣區篇
【延伸閱讀】【行勻十八區・好玩好食大搜羅】– 沙田區篇

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言