廣東話，又稱粵語、廣府話、白話，亦即係我哋平時講嘅「口語」。香港人由細講廣東話講到大，你對廣東話正字又有幾深嘅認識呢？最緊要正字！正字代表緊我哋嘅粵語文化，香港人有責任去守護，因為而家朋友傾偈好多時都係WhatsApp打字多，成日打埋晒啲5P字，再唔係就錄音。於是Tutor Circle 尋補 小編就打算同大家介紹幾個成日講，但又未必識嘅粵語正字畀大家！

1. 㿺㿭

呢隻字係咪好陌生呢？比個貼士大家，應該秋天開始大家都會講得比較多呢個字，因為大家嘅皮膚可能都會開始乾燥。估到未呢？冇錯就係平時所講嘅「爆拆」喇！

㿺㿭 baau3 caak3
意思：皮膚因天氣乾燥而裂開、甩皮，甚至流血。

2. 䟴腳

「我最憎人un腳架喇！」「唔好再un腳喇下！」你係咪同我一樣都好唔鍾意人哋䟴腳呢？唔識寫個「un」字，話人嘅時候即刻霸氣盡失啊！un腳嘅正字係「䟴腳」，書面語為「抖腳」，以後想叫人哋唔好䟴腳，就要記住個字點寫喇！ 

䟴腳 an3 goek3 / ngan3 goek3 / un1 goek3
意思：形容人不斷抖腿嘅意思。

3. 㪐㩿

正所謂有邊讀邊，但呢個字你望住都可能唔知點開口讀。呢個詞語係形容人講野唔流利，唔能夠暢順講完一句說話。「㪐㩿」就係「甩咳」喇！想打「甩甩咳咳」就記住要寫㪐㪐㩿㩿喇，睇到我都有啲眼花。

㪐㩿 laak1 kaak1
意思：說話結結巴巴、含糊不清。

4. 拗手膼

男仔唔知點解特別鍾意拗手瓜，可能因為可以展示自己好man嘅一面掛（但拗贏咗就話姐，輸咗真係好_㗎嘛）咁鍾意拗手瓜，但你又知唔知「手瓜」正確寫法係咩呢？「手膼」個膼字係指二頭肌，即係成日講嘅「老鼠仔」。

拗手膼 aau2 sau2 gwaa1
意思：2人鬥力遊戲，目標是在雙方的手㬹不離開桌面的情況下，把對方的手腕壓在枱面。

5. 俹簁

「你點解做野咁乸西架！」唔好誤會，我並唔係係度講粗口，而係講緊「俹簁」，話你做野貪快又求其，馬馬虎虎了事啊！「俹簁」呢個字可能年輕人少啲用，但可能比媽咪同老師都話過唔少次！

俹簁 laa2 sai1
意思：形容人處事輕率、欠責任感，即口語所講的「是是旦旦」、「求求其其」。

總結

學識粵語正字，以後想串人嘅時候都唔怕驚用錯別字搞到霸氣盡失啦～廣東話文化博大精深，要學嘅要點止咁少呢！

延伸閱讀：
【象聲詞】「乒鈴嘭唥」點解？從Anson Lo新歌《Megahit》中學廣東話擬聲詞
【廣東歌2022】精選20首最新廣東歌 集合各大香港流行歌曲排行榜
【修辭手法】必考10大修辭手法 助你跨越中文死亡之卷

尋補？Tutor Circle！

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

小雲

活得像天上的雲一樣，無目的，無方向。快樂時和太陽玩耍，難過時讓整個世界陪我哭泣。

留言