【小一面試】小學面試題目100條 名校常見題/刁鑽情境題一覽

  • Post author:
  • Post category:升學出路
  • Post published:2021-03-26
  • Post last modified:2022-06-06
studentconversion
tutor registration

入讀一間好的小學對於小朋友未來升讀中學非常重要。每年9月至10月便是小學面試高峰期,尤其是直資和私立小學,小一面試環節更為重要。家長想及早開始與小朋友準備小一面試題目?小學面試有哪些常見情境題?今日 Tutor Circle 尋補 準備咗一些小一面試應對貼士及常見面試題目,希望各位小朋友能夠面試成功,入讀心儀的小學。


延伸閱讀﹕【小學面試】一文睇清小學面試注意事項:點樣準備先可以萬無一失?

1. 小一面試應對3大技巧

1.1 以遊戲代替問題做準備

小一面試-小朋友在壓力之下,自然會表現緊張甚至失準。
小朋友在壓力之下,自然會表現緊張甚至失準。(圖片來源

首先,由於很多家長非常著緊小朋友能否升讀一間小學,在面試之前給予小朋友很大壓力。小朋友在壓力之下,自然會表現緊張甚至失準。家長應該在替小朋友做準備時,不妨考慮以一種輕鬆、自在和舒服的模式,例如﹕遊戲、說故事、影片和圖片等形式。當中家長可以在嘗試在過程加插問題,詢問在故事情景下小朋友自己的想法和感受,例如﹕「如果你係XXX,你會點樣做?」、「如果你到咗迪士尼,會想做啲咩?」等。這樣一來能夠激發他們對於不同問題的自主思考,二來就是他們熟習如何流暢和自信地表達自己的想法。



1.2 生活化思考,切忌僵化回答

小一面試-小朋友無辦法表現自我、突顯與其他人不同之處,二來就是使小朋友感到壓力,必須回答指定答案,思考變得僵硬。
背誦既定標準答案,會讓小朋友無辦法表現自我,也使小朋友感到壓力,思考變得僵硬。(圖片來源

除了如何自然表達之外,另一個重要的是,很多家長為了迎合小學要求,往往要求小朋友生吞活剝,背誦一些既定標準答案。這一來讓小朋友無辦法表現自我、突顯與其他人不同之處,二來就是使小朋友感到壓力,必須回答指定答案,思考變得僵硬。當一些小學詢問起一些有創意的問題時,小朋友就馬上頓時啞口無言。正因為此,家長應該嘗試與小朋友準備時,加入更多生活化、陌生的情境,由他們自己去思考,自己想出一個屬於自己的答案。與此同時,應該加入一些假設的道德情境,例如﹕「看到同學作弊、偷野,應該如何處理?」,讓他們表現得不「港孩」,能獨立自主的個性。


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

1.3 家長都要準備?

小一面試-有很多小學不只會要求小朋友面試,更會在第二輪面試要求面見家長
小朋友做得好就「萬事足」?事實上很多小學會在第二輪面試要求面見家長,或家長與小朋友同時出席面試。(圖片來源

最後,好多家長以為小朋友做得好就「萬事足」,但事實上有很多小學不只會要求小朋友面試,更會在第二輪面試要求面見家長,或家長與小朋友同時出席面試。學校藉此從家長口中了解,到底孩子的日常生活是怎樣,家長如何管教子女等。尤其是一些着重校風的學校,他們會非常看重小朋友的家庭背景和管教方法,或會傾向收一些「乖巧」的小朋友。正因為此,家長在面試時應該一來要事先準備如何回答有關問題,二來就是如何表現出對學校尊重和配合。

延伸閱讀﹕【小一Portfolio】Portfolio的製作秘笈+範本 3大製作軟件介紹

2. 常見小一面試題目

小一面試題目
近年小學名校的小一面試題目(圖片來源

配合上述三個技巧,家長不妨可以借用一些常見問題,為小朋友打定一枝「強心針」。以下 Tutor Circle 尋補 的小編為大家搜羅了近年名校的小一面試題目以作參考﹕ 

2.1 個人資料題

1. 小朋友你叫咩名?
2. 你有冇英文名?
3. 你今年幾多歲?
4. 你喺邊度住?
5. 你屋企電話號碼幾多號?

2.2 生活/家庭題

1. 你屋企有邊個同你一齊住?
2. 你有冇兄弟姊妹?
3. 你爸爸媽媽叫乜嘢名?
4. 你爸爸媽媽做乜嘢工作?
5. 邊個朝早叫你起身?
6. 平時邊個接你返學放學?
7. 放咗學之後,邊個幫你檢查功課?
8. 邊個教你做功課?
9. 邊個幫你喺手冊簽名?
10. 平時放學後,你會同邊個一齊,多數做乜嘢?
11. 爸爸媽媽放工後會同你做啲乜嘢?
12. 放假時你會同爸爸媽媽去邊度? 會做乜嘢?
13. 你最鍾意邊個屋企人? 點解嘅?

2.3 學校/興趣/讀書題

1. 你讀邊間幼稚園?
2. 你喺幼稚園最鍾意上邊一堂? 點解呀?
3. 你平時幾點上堂、落堂?
4. 你放咗學鍾意做乜?
5. 你鍾唔鍾意你間學校(幼稚園)? 點解呢?
6. 你最鍾意邊本故事書?
7. 你鍾意乜嘢玩具?
8. 你鍾意邊套卡通片?
9. 你最鍾意食乜?
10. 你鍾意乜嘢顏色?點解呀?

2.4 通識/生活常識題

1. 一日有幾多小時?
2. 一小時有幾分鐘?
3. 一年有邊四季?
4. 每年中秋我哋會做乜嘢?
5. 聖誕節時我哋會點慶祝?
6. 農曆年時,有乜嘢特別慶祝節目?
7. 家禽同寵物有乜嘢分別?
8. 超級市場與街市有乜分別?
9. 紅色的士同綠色的士有乜分別?
10. 有乜嘢動物係喺水中生活?
11. 有乜嘢動物係食草?
12. 你今日搭乜嘢交通工具嚟學校?
13. 過馬路時有乜嘢要注意?
14. 試講出港鐵站的名稱。
15. 食飯前要做乜嘢?
16. 去完廁所要點做?
17. 如果你覺得身體唔舒服,你會點做?
18. 你識唔識用平板電腦/手提電話?
19. 你會用平板電腦/手提電話嚟做乜嘢?
20. 你認識邊啲新聞人物 / 區議員?
21. 讀出圖畫中某些事物或物品名稱(例如美國總統、香港特首)
22. 向小朋友展示一幅圖畫,請小朋友講出圖中物件(例如鏡子)的中、英文名。

2.5 生活情境題 / 危機應變題

1. 當有緊急時,你可以打邊個電話號碼?
2. 我哋幾時需要消防員的幫忙?
3. 發生火警要點做?
4. 如果你接到陌生人電話,你會點答?
5. 如果你喺地上執到 $, 你會點做?
6. 如果你好想得到件玩具,而爸媽不答應買, 你會點做?
7. 如果喺街上同父母失散, 你會點做?
8. 喺學校見到同學跌倒, 你會點做?
9. 喺學校見到同學打交, 你會點做?
10. 單獨遇到陌生人,佢仲話請你食雪糕,你會點做?
11. 如果父母遲咗接你放學,你會點做?
12. 如果你唔小心打爛嘢,你會點做?
13. 有一部玩具車,你同細佬都好鍾意,你會點做?
14. 有一隻螞蟻跌落河叫救命,剛剛有隻蝴蝶飛過,如果係蝴蝶,你會點做? (如果你係螞蟻,你會點做?)

2.6 學術/個人才能/表現類題目

1. 試做 K2 程度的題目,內容有串字及看圖認中文字。
2. 考辨別顏色,要求小朋友將指定顏色嘅魚,從圖中圈出來。
3. 雙位數加法,例如 40 + 6
4. 連加法,例如 7 + 4 + 1
5. 朗讀中英文書。
6. 個位數加法,例如 3 個檸檬加 4 個梨,合共有多少個水果?
7. 英文生字讀法,例如 dog、apple、nose、mouth 以及顏色等生字。
8. 請小朋友即場唱一首普通話 / 英文 / 廣東話兒歌。

2.7 創意思考題

1. 於兩幅圖畫中,搵出不同之處。
2. 於圖畫中指出不合理之處,或指出物件之間的關係。
3. 連續向小朋友展示幾幅圖畫,然後問小朋友圖畫之間有乜嘢關係(未必有標準答案)。
4. 展示一幅風景畫,請小朋友指出各事物的位置及名稱,例如問太陽左邊是甚麼?屋前又有甚麼?
5. 請小朋友即場畫一幅圖畫,並寫上題目與自己的名字,然後圍繞該圖畫發問。
6. 邀請小朋友描述面試地點嘅物件/情境。

2.8 小組面試問題

1. 用火柴砌一幅圖畫
2. 請考生一同砌積木
3. 玩拼圖遊戲
4. 敲打遊戲
5. 做手工或勞作
6. 舉手搶答,問題圍繞時事或常識,例如行政長官是誰?財政司司長是誰?在揮春上會出現甚麼字等
7. 一齊畫畫、一齊睇書,觀察小朋友互動及反應
8. 聽老師指示做動作,例如左手拍右手
9. 請小朋友於白紙的右上角畫圓圈、中間畫三角形等
10. 請考生在眾人面前講故事
11. 請考生在眾人面前唱歌,或其他表演
12. 請考生畫一幅圖畫後,介紹作品

2.9 叩門問題

1. 你考到或派到邊間小學?

2.10 家長問題

1. 你為何為仔女選擇這所學校?
2. 你為何不喜歡本身獲派的學校?
3. 你對學校有甚麼期望?
4. 你對仔女現在和將來有甚麼期望?
5. 請講述你的教育理念。
6. 你平時如何培育仔女?
7. 你平時怎樣為仔女安排生活時間表?
8. 你希望學校怎樣教育你的仔女?
9. 你用甚麼方法培養孩子的閱讀興趣?
10. 你平時怎樣和仔女溝通?
11. 你的仔女最愛吃的食物?
12. 你的仔女最愛哪個卡通人物?
13. 親子時間通常會進行甚麼活動?
14. 你在假日會和仔女進行甚麼活動?
15. 假日時,你通常會帶仔女去哪裡?
16. 你仔女有哪些喜歡和不喜歡的東西或事物?
17. (問媽媽)你需要工作嗎? 如有,怎樣照顧仔女?
18. (問爸爸)你做甚麼職業? 平日如何跟仔女溝通?
19. (問在職父母)平日多應酬嗎? 多回家吃晚飯?
20. (問在職父母)你每日陪伴仔女的時間有多長?你覺得足夠嗎?

延伸閱讀:【小一入學】 最新!全港熱門小學超收情況一覽表

3. 小學名校刁鑽題目

小一面試題目
除了常見問題以外,不少小學名校為了收取優異學生,更會提出一些刁鑽問題。(圖片來源

除了常見問題以外,不少小學名校為了收取優異學生,更會提出一些刁鑽問題。以下 Tutor Circle 尋補 的小編為大家搜羅了近年名校的面試問題以作參考﹕

3.1 英華小學

1. (創意類)老師展示一張圖片,有一條線,考生觀察之後可自由創作。在畫畫時需要使用自備的顏色筆,完成創作之後於圖畫紙上寫上姓名,老師會收走。
2. (語文知識)老師展示一幅有英文句子的圖畫,讓考生讀出句子。
3. (常識)老師會問常識題目,過去曾問四大文明古國是哪四個(古巴比倫、古埃及、古印度、中國)、香港紅色小巴和綠色小巴的區別(紅色小巴行走非固定路線,綠色專線小巴行走固定路線)等。
4. (閱讀習慣) 老師安排自由閱讀時間,考生閱讀自己帶來的書本,期間老師只會觀察不會提問。

3.2 高主教書院小學部

高主教書院小學部觀察考生與人相處的態度、是否服從老師指示、會否打招呼等。

1. What do you do every week?
2. What will you do at Christmas?
3. Why do you want to go to this school?
4. Talk about your family
5. If you have a lot of money, which country shall you go to?
6. Who comes with you?
7. Where do you like most? Why?
8. Who do you like most? Why?
9. Are you a book lover?
10. Which book do you like best?
11. Why do you like this book?

3.3 九龍塘學校(小學部)

九龍塘學校(小學部)亦會問及一些英文問題。

1. What do you do every week? Who comes with you?
2. What will you do at Christmas?
3. If you have a lot of money, which country shall you go to?
4. Talk about your family.
5. What is the difference between a clinic and a hospital?
6. Where do you like most? Why?
7. Who do you like most? Why?
8. Are you a book lover?
9. Which book do you like best?
10. Why do you like this book?

3.4 香港培正小學

培正小學主要考創意、說話能力、理解能力等:

1. 一幅畫中有小販在街邊賣小食,問考生在街買小食是否恰當。
2. 一幅畫中畫有貝殼,請考生說出它的中、英文名稱。
3. 在一幅圖畫出找出錯處。

3.5 拔萃女小學

拔萃女小學傾向取錄愛閱讀而且個性穩重的學生:

1. Can you tell me something about your grandma &grandpa?
2. Do you like playing ball games? Why or why not?
3. If I give you $10000, what will you buy?
4. Do you have a pet? Can you tell me something about it?
5. Why do you want to go to this school?
6. Can you introduce a book that you have found interesting?
7. What are your hobbies?
8. Which festivals do you like most?/ Why?
9. What is your favorite TV programme?
10. Where do you live?
11. What is your father/mother?
12. How does he/she go to work?
13. How many people are there in your family?
14. Does your brother/sister go to the same school?
15. Do you like reading? What sort of books do you like most?
16. Why do you like this book?

總結

除了準備問題回答之外,更重要是如何讓小朋友變得更加自信,從中成長。

延伸閱讀﹕
【小學排名2021】Top100&分區最新全港小學排名!
【小一派位2021】小一派位未如理想?教你2021叩門必睇3大貼士

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
小一面試
小一面試

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言