中大

【中文大學】中大書院有咩特別?剖析大學系列!

「和盡天地風雲之聲 環抱山水日月之景!婆娑樹影 人傑地靈!」呢兩句中大和聲beat真係睇到句嘢都有聲XD但中大其他嘢你又知幾多呢?依家就黎睇下啦!Tutor Circle尋補今次就黎同大家睇下中大既威水史啦!

小學練習


全港最大大學校園!

中大座落係沙田馬料水,佔地面積係134.4公頃!想象唔到134.4公頃係幾大?俾啲地方你對比下!浸大主校園5.56公頃,香港海洋公園91.5公頃,香港迪士尼係126公頃,依然想象唔到?唔緊要,總之係想話你知中大仲大過一日未必玩得晒嘅迪士尼:D唔少中大學生仲會以「Grad前要行晒成個中大」為畢業目標,寫呢篇blog嘅小編問左幾個讀中大嘅朋友,大家都係殊途同歸,入去面試個時會蕩失路,grad出黎個時就只會話:唔會有機會行得晒 XD或者大家都可以搵日入去蕩下,睇下你行到幾多:)

延伸閱讀:【中大景點】CU只識未圓湖?帶你遊覽5個中大打卡景點!



最多高材生嘅大學?

中大高踞全亞洲大學第46位,真係唔可以睇少,學生嘅質素都唔會差。自1986年,國際性研究生獎學金 – 羅德獎學金引入咗香港作為計劃嘅一部分,每年都會係全港揀一個本科畢業生精英去牛津大學進修,呢個獎學金係得譽為「全球本科生諾爾貝獎」!
You know what?截至2016年,中大就係最多學生攞到羅德獎學金嘅大學。Well,中大仲係取錄得最多神童天才嘅大學,例如係2015 DSE最年輕嘅考生黃澤鉅,14歲考會考攞9優嘅何凱琳等等!收收埋埋咁多人材,難怪學術研究方面咁出眾:o !
cuhk 書院
 


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

書院制大學?

個個收到中大offer,第一件事都可能係問下Google大神,揀邊間書院好。因為中大同香港其他大學最唔同嘅地方,就係佢行書院制。點揀就你地再諮詢下Google大神,不過同你地簡單講下佢地係點組成啦!
 

祟基書院

係中華民國政府時期,將13間頂尖、有基督教背景嘅高等教育學府組合而成,體現美國文化。
 

新亞書院

係眾多儒學大師聚集而成嘅學府,主要教授中國文化嘅課程,可以話係中國儒家文化嘅基地!
 

聯合書院

係幾間同香港有密切關係嘅私立大學組成,主要提供社會科學同工商管理嘅課程,體現嘅就係英國文化。

之後嘅6間書院,都係後期獲得各界捐助興建而成,總共9間書院,提供非教育課程(e.g. 福利、宿位)都分別對學生有唔同嘅要求,可能會要你一個sem參加夠幾次assembly,可能有獎學金,做資料搜集寫blog嘅小編都睇到眼花瞭亂。
唔知點揀書院好?等我黎幫你啦!

中大
圖片來源: CUHK Secret Facebook

今次就講住咁多先,下次再同大家分享有趣嘅大學大小事:D!

延伸閱讀:

【理工大學】入得Poly 你唔係唔知啊?- 剖析大學系列!

【城市大學】入得城大 你唔係唔知啊?- 剖析大學系列!

【港大鬼故】入得香港大學 你唔係唔知啊?- 剖析大學系列!
 


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
中大

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言