大學 必 做

《大學一件事》 大學必做,唔想4年冇運行就要記住

係大學既Ocamp (迎新營) 梗有D環節會提到「大學五件事」,分別係:讀書(定係走堂就見人見志啦),拍拖,上莊,住Hall同埋Part-Time。好多Fresher唔多唔少都會參考呢個表黎規劃下自己4年既大學之旅,但計我話,有一樣野比起呢五樣野係你既U-life都會更為重要;唔係話「大學五件事」唔重要,但如果你做唔到「大學一件事」,你都幾難有機會做得齊「大學五件事」。尋補Tutor Circle 講大學一件事。
 

咁「大學一件事」究竟係咩呢?就係「千祈唔好臭朵」!如果你已經係大學打滾左一段時間,你一定已經深明呢個道理,而好多時,唔係因為你自己出左事,而係你親眼睇住其他人懶左野,你先漸漸領悟到,自己千祈唔好懶野既道理。
大學 必 做
(圖片來源轉自網上)
 
大學無庸置疑係一片自由之地,大幅度對如何過生活既選擇權,唔似朝8晚4既中學生活,你可以讓自己係呢個社會縮影中擔當任何角色,塑造自己。愛social既交際花交際草,呢度有yo唔完既同學;愛知識既同學,呢度有sit唔完既堂;想扮下管理層同員工,又可選擇去上莊,扮下老細con你d新入職既員工;想發達咪打份part-time,私補月入2萬不是夢。但大學呢個花花世界,同時潛藏左好多危機要格外小心,一個唔小心你就會係一夜之間變成街知巷聞既臭朵人。
大學 必 做
(圖片來源轉自網上)
 
以史為鑒,臭朵既Cases分別有:小至聲名狼藉既同科free-rider,隔離soc既厹,大至當年,City U老鬼Con會反枱HKU 陳冠康 譚振聲選舉黑幕溝女不遂狗急跳牆既HKU厹,講到出名既厹,各大院校真係多不勝數;再睇下Hall/ Society ,最紅應該不外乎HKU St JohnLee Hall 先後比人錄低左所謂玩滴臘既Hall日常
最既既臭朵人可以勁到,一單盲影衰哂成間U,例如 Poly U爭Freshman打交事件。(講番City U老鬼反枱,其實筆者覺得果野真係幾有型。)
大學 必 做
(圖片來源轉自網上)
 
係大學,你個朵一臭,上莊住Hall固之然唔洗諗,無人會想比你個名拖累哂成支莊;如果你係衰厹,你唔洗再諗住出黎yo女,yo仔。個朵一臭,想做「大學五件事」就難過登天。
大學 必 做
(圖片來源轉自網上)
 
點先可以避免臭朵?筆者都冇答案,始終該臭既,總會臭。係廿一世紀,資訊係瞬息之間就已經散播出去,通天徹地,穿越各個大小whatsapp group,同時Facebook又設有唔同U專用既匿名爆大鑊Secret Page,真係天網恢恢,你走得去邊。有男/女朋友既,重四圍flirt人就固之然底死;上得莊既,你代表緊你支莊架,麻煩你做野三思而後行;唔想比人唱,先不要其身不正,如果你行得正企得正,就算有人惡意做謠,謠言都自然會不攻自破。只能奉勸一句,「做好自己」。
大學 必 做
(圖片來源轉自網上)
 
如果你係為人正直,個人又charm,唔單只唔會「臭朵」,重會「靚朵」。聲名大噪,名揚四海,連隔離Hall/ 隔離科,唔識你既人都可能聽過你既大名,雖然呢班多數都一定係靚仔靚女,咁始終your face your fate,仲有,香港人都係鍾意睇人仆街多。
 
【延伸閱讀】大學五件事 – 係咪要做齊先叫讀過U?
 
此文章純屬 Blogger 個人分享,並不代表本網誌立場。
 

小學練習


想追返學校進度?Tutor Circle尋補有超過10,000個三大導師,即日幫你搵一個合適既導師!

想搵 一個合適既私補老師



 

DSE讀得咁辛苦,想活用知識黎賺下外快?


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

想搵 好多好多私補學生

緊貼尋補 BlogFacebook  Instagram,尋補?Tutor Circle
 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言