聖保羅男女中學-好唔好

【聖保羅男女中學】好唔好?難入?要有錢有家底先讀到?

  • Post author:
  • Post category:中學
  • Post published:2022-05-12
  • Post last modified:2022-05-12

一眾小六學生又要開始計劃揀學校啦!想當年小編都覺得好困惑,對揀學校有選擇困難症,唔知揀傳統名校,如拔萃書院、喇沙書院等,定係揀近自己屋企地區學校…唔緊要!今日Tutor Circle 尋補 小編會同大家介紹一間中學名校──聖保羅男女中學(St. Paul’s Co-educational College),相信唔少同學仔都好奇學校好唔好、究竟點解咁多人報讀、到底係咪好難入…今日就同大家拆解一下,如果你哋有興趣報讀St. Paul’s Co-edu,想知道更多資訊,就繼續睇落去啦!

小學練習


1. 學校資訊簡介

聖保羅男女中學校徽
聖保羅男女中學校徽(圖片來源

聖保羅男女中學,創立於1915年,由聖公會開辦,主要以英文授課,亦會用英文去引導學生思考。根據學校歷史,St. Paul’s Co-edu係第一間要求學生必須穿整齊校服嘅學校,建立獨特文化,而學校嘅辦學宗旨係希望學生能夠認識同秉持「信望愛」嘅概念,幫助學生變成未來嘅領導人才,追求對卓越嘅熱情,朝着夢想勇往直前,並鼓勵學生打開國際視野,積極裝備自己,迎接未來唔同嘅挑戰。同時,學校會培養學生對藝術嘅觸覺,希望佢哋可以集多項才能於一身,發揮潛能。

2. 設施

聖保羅男女中學藝術廊
聖保羅男女中學藝術廊(圖片來源

聖保羅男女中學為配合特殊學生嘅需要,全部課室同埋特別室都已經設置視聽工具。學校佔地約6250平方米,設有齊全嘅空調系統,亦都有演講廳、食堂、藝廊、校園特別室等嘅設施,讓學生喺學習之外,亦可以享受校園生活,為學生營造一個良好嘅學習環境,激發學生對學習嘅動機。與其他學校唔同嘅地方係學校設有舍堂,令本港學生同海外學生可以一齊相處,互相學習,學習嘅地點,唔再局限於喺課室。



3. 學校特色

3.1. 公開試成績優異

近年,學校多次誕生狀元,唔少同學喺公開試表現優秀,經常奪取非凡成績,不斷成為文憑試嘅贏家,雲集好多頂尖嘅菁英,例如2021年有89.3%嘅學生喺英文科攞到第五級或以上嘅成績,有67.2%嘅學生喺數學科攞到第五級或以上嘅成績,反映學生成績名列前茅,成績斐然。


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

大部份聖保羅男女嘅學生都能夠成為公開試嘅勝利者,95.9%考生都攞到入讀大學嘅資格,當中有3名學生更取得6科5**的佳績,甚至有好多大學都爭相取錄呢間學校嘅高材生。佢哋嘅成績真係無得輸,並唔喺浪得虛名,以實力得到大家嘅認同同讚賞。

3.2. 課外活動種類繁多

聖保羅男女中學-課外活動
全面發展的課外活動(圖片來源 )

學校希望可以促進學生嘅個人興趣,為學生提供唔同種類嘅課外活動,令佢哋有機會發揮潛能。學生可以根據自己嘅興趣,自由選擇課外活動,從而讓學生喺「德、智、體丶群丶美」都得到全面嘅發展。有見及此,學校好多唔同學會,例如工藝、初級科學等學會。學校亦都會舉辦唔同嘅資優同增潤課程,提供適合嘅支援俾唔同需要嘅學生。

3.3. 豐富校外學習活動

聖保羅男女中學-音樂表演
聖保羅男女中學音樂表演(圖片來源

每個學年學校嘅首季都會舉辦「學生活動週」,喺老師嘅帶領之下,讓學生可以體驗一星期嘅戶外教學,擴闊眼界 。學校會舉辦唔同嘅活動,例如南京文化之旅、本地考察學習活動、大學及工商企業實習計劃等等,豐富人生經驗,以適應將來「深不可測」嘅職場,隨時做好準備。

4. 學費

根據聖保羅男女的學校官網資料,2011/22 學年中學的學費為每年港幣$64,500,而國際文憑課程學費為每年港幣$96,500。

4.1. 學費減免

學校會為有經濟需要的學生(包括接受政府資助及綜援的受助人)提供財政資助,受惠於全數學費減免的學生將一律額外獲發助學金,中學生可獲發高達港幣$9,000。

以一個4人家庭為例,目前的「基準可動用收入」為港幣$348,000。換言之,學生的「家庭可動用收入」於該年只要不高於港幣$348,000,即符合100%學費減免的資格。「家庭可動用收入」少於港幣$812,000者,仍符合學費減免資格。詳情見下表:

4人家庭之可動用收入學費減免應繳學費 (每年)
$0 – 348,000100%0
$348,001 – 464,00080%20%
$464,001 – 580,00060%40%
$580,001 – 696,00040%60%
$696,001 – 812,00020%80%
資料來源:學校官網

總結

總括而言,如果你問聖保羅男女中學好唔好?呢間的確係一間出色嘅學校,唔單止提供種類繁多嘅課外活動,亦都係公開文憑試取得好成績,可能你哋會覺得好難先攞到面試嘅資格,或者覺得佢哋嘅面試準則係要出生於精英家庭,但係其實St. Paul’s Co-edu只會根據學生嘅潛能同才華,以作為錄取篩選標凖。如果大家想報讀呢間學校,都喺一個唔錯嘅選擇,值得一試。

不過,小編要提醒大家聖保羅男女學校嘅教學模式相對來講會比較催谷,亦可能要肩負唔同嘅期望,令自己覺得好大壓力,所以想選擇呢間學校嘅同學仔要有心理準備。

參考來源:聖保羅男女學校官網Schooland中學概覽

延伸閱讀:
【傳統名校】22間一覽!名校所謂嘅Blue Blood有咩意思?
【全港中學排名】香港中學最新排名TOP100*內附名校詳細分析
【香港IB學校】最新全港IB成績排名一覽!邊間最高分?

留言

想搵一個合適嘅私補老師
我想申請做補習老師