You are currently viewing 【家庭教育】童年陰影影響一世!三大經典誤區要留意!

【家庭教育】童年陰影影響一世!三大經典誤區要留意!

  • Post author:
  • Post category:小編分享
  • Post published:2020-07-27
  • Post last modified:2020-07-27

「可憐天下父母心」,做父母嘅,當然係想俾最好嘅小朋友。但其實家庭教育係一個重要課題,方向錯誤或者教育缺失,都會對小朋友成長發展有重大影響。大部分家長都係新手父母,身教言教上難免出錯,今日就等Tutor Circle尋補 同大家分析下三個普遍香港家長對家庭教育嘅誤解啦!
 
 

小學練習


過度保護


圖片來源
 
香港生育率一向唔高,近年更有下跌趨勢,大部分家庭都係一個起,兩個止,家長大部份時間同注意力都擺左係一個小朋友上,難免會出現過份保護嘅情況。
 
例如早年就曾經試過有港媽因為孩子參加足球訓練班,守龍門不慎發生意外,被其他小朋友踢傷眼睛,即使男童傷勢不重,無永久損傷,視力未受影響,仍向球會索償十二萬元。
 
呢個係香港家長常見嘅誤區,其實任何活動都有一定嘅風險,更何況體育運動,係合理情況下,小小碰撞實在難免,過度保護嘅家長會令小朋友性格變得膽小、缺乏自信,日後無法面對困難。
 
因此,家長必須明白,適當嘅關懷係好事,但過份干預則會妨礙小朋友嘅身心發展。
 
 

嘲笑挑剔


圖片來源
 
嘲笑挑剔可以話係傳統中國父母嘅經典誤區。每當大時大節,三姑六婆聚首一堂,傾嘅話題離唔開自己嘅小朋友,總會順便提下小朋友嘅瘀事,當成笑料同親戚分享。
 
其實呢啲事情,對家長黎講係小事,無傷大雅,但對小朋友黎講,會覺得丢臉,傷害自尊。小朋友嘅自尊心一旦受到傷害,會需要一段長嘅時間去恢復,甚至永遠無法重新建立。而呢啲小時候嘅小片段,大人可能幾日後已經唔記得,但係對小朋友來講,會留下一世嘅陰影,難以磨滅。
 
所以,家長最好避免用小朋友嘅過失或者小缺點作為談資,以免傷害小朋友感情。
 
 



身教言行不一


圖片來源
 
所謂「身教重於言教」,其實小朋友最主要係透過模仿你學習嘅,所以小朋友係睇父母所做並非父母所說,如果家長講一套,做一套,會為小朋友帶來十分困惑嘅指導。
 
舉個簡單例子,大部份嘅家長都唔希望自己嘅小朋友投放太多嘅時間喺電子產品度,覺得會睇壞腦,又會令到注意力散渙。但如果家長係責怪小朋友嘅同事,自己都係機不離手,一邊設立規矩,一邊破壞規矩,小朋友自然會覺得規矩都唔係咁重要。
 
子曰:「其身正,不令其行;其身不正,雖令不從。」父母要言行一致,小朋友先至可以表裏如一。
 
 


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

總結

家庭教育會直接影響家人關係同埋家庭功能,家長要給予小朋友正確嘅教導,孩子先至可以成為有品德嘅人,家人對於小朋友嘅言行舉止都影響甚大,一定要從細則灌輸正確嘅概念。
 
【延伸閱讀】【各大院校收生要求2019】究竟入大學有咩要求?
【延伸閱讀】E-App點樣交錢?報完E-App仲洗唔洗報Jupas?
【延伸閱讀】dse計分 – 同分嘅情況下邊位考生會有優勢?
 
**現在從Blog 下方按鈕轉載到 Tutor Circle 尋補網站,並輸入優惠碼 ”TCBLOG2020“ 即可有$20學費減免,事不宜遲,馬上去搜索適合導師上課吧**

此文章純屬 Blogger 個人分享,並不代表本網誌立場。
 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式


*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言