You are currently viewing 【小學常識】常識即係咩都要識?小學常識到底教啲咩?

【小學常識】常識即係咩都要識?小學常識到底教啲咩?

  • Post author:
  • Post category:學術資訊
  • Post published:2020-07-22
  • Post last modified:2023-03-28
studentconversion
tutor registration

香港嘅家長出晒名會為小朋友嘅學習操心,但係相信有唔少家長,係應付常識科嘅時候都會摸不着頭腦。常識科唔似中英文科可以直接為小朋友背默、串生字,又唔似得數學科咁主要操練公式即可,估計大部份嘅家長都唔知小學常識科入面到底包含咗啲乜嘢。今日就等Tutor Circle尋補 為家長介紹吓小學常識科,並提供幾個有用嘅溫書小貼士啦。
 
 


常識到底係教啲咩

小學常識
圖片來源
目前,小學常識科嘅設計理念着重學生整體學習經驗,強調學生全面認識喺社會入面擔當嘅角色,喺自然世界所佔嘅位置同埋人類與環境嘅互動關係。另外,德育及公民教育亦都起咗相當重要嘅角色。
 
值得留意嘅係,常識科唔似其他小學科目,測驗同考試未必係占分最重嘅考核模式,反而其他一啲關鍵項目例如專題研習等會更加重要,為學生提供更加多機會進行全方位學習、探究同埋親身實踐嘅學習經歷。
 
一般來講,小學常識科設有6個學習範疇:

  • 健康與生活;
  • 人與環境;
  • 日常生活中的科學與科技;
  • 社會與公民;
  • 國民身份認同與中華文化;
  • 了解世界與認識資訊年代。

點樣溫書

小學常識
圖片來源
 
可能有好多家長係幫小朋友溫習常識科嘅時候,都會摸不着頭腦,唔知點先至可以為小朋友取得好成績。
 
其實小學常識科嘅設計貼近日常生活,考試會問到嘅問題都不外乎例如比較環保嘅能源來源有啲咩例子,或者香港嘅渠務署主要職責係啲乜嘢,當然啦亦都可以叫小朋友死背左個答案,但係其實更加有效率嘅方法,係家長喺日常生活中多啲為小朋友簡介社會。
 
小學後嘅常識科考試,亦都設有時事題,時事題更加係冇辦法溫習或者貼題嘅。家長一定要多啲同小朋友睇新聞,得閒冇事問吓小朋友對於社會現狀嘅睇法,唔一定要小朋友引經據典,答案鏗鏘有力,但至少要小朋友對於事情有一定嘅反思,加深記憶。
 
呢啲亦都唔係考試之前兩三日就做到嘅嘢,一定要長年累月訓練小朋友對事物嘅敏銳觸覺,呢一方面就可能要拜托家長多多留神。
 
 



專題研習

小學常識
圖片來源
小學常識科必做嘅就係專題研習。專題演習係主動學習同埋探究嘅寶貴學習經驗,學生要自行進行資料蒐集、整理、分析或測試,從而作出結論,校方亦都會要求學生提出新嘅意念、設計同埋改善建議。
 
小編明白大部份嘅香港家長都擔心小朋友嘅學業成績,功課、考試等等亦都會根德好帖,但係其實遇上專題研習,家長可以做到嘅嘢相對來講比較少,小編亦都建議家長唔好過分干擾,始終專題研習係小學入面少見嘅互動性評估,對於小朋友嘅獨立思考要求較高,亦都要求小朋友比較獨立,例如要出街為路人做問卷,自己影相做紀錄等等,對小朋友來講其實係一個非常之珍貴嘅學習經驗。
 
如果家長過分憂心,甚至想幫小朋友做埋,以獲取一個較好嘅成績,其實會剝奪左小朋友運用知識嘅技能,所以家長不妨後退一步,放手比小朋友自己獨立思考,強化思維。
 
 


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

總結

小學常識科唔似中文科嘅背默等等,可以喺考試兩三日之前臨急抱佛腳,一定要長年累月喺課堂以外主動搜尋同埋建構知識,令到學習跑出課室,走入社會。家長可以令到常識科嘅學習更加貼近學生嘅生活經驗,令到學習更加切合學生嘅需要同埋興趣,從而取得好成績。
 
【延伸閱讀】【各大院校收生要求2019】究竟入大學有咩要求?
【延伸閱讀】E-App點樣交錢?報完E-App仲洗唔洗報Jupas?
【延伸閱讀】dse計分 – 同分嘅情況下邊位考生會有優勢?
 
**現在從Blog 下方按鈕轉載到 Tutor Circle 尋補網站,並輸入優惠碼 ”TCBLOG2020“ 即可有$20學費減免,事不宜遲,馬上去搜索適合導師上課吧**

此文章純屬 Blogger 個人分享,並不代表本網誌立場。
 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
小學常識
小學常識

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言