英文卷三-英文聆聽

【DSE 英文聆聽】聽唔明都做到?Paper 3攻略大公開!

  • Post author:
  • Post category:DSE攻略
  • Post published:2020-07-16
  • Post last modified:2023-04-03
studentconversion
tutor registration

對於DSE英文聆聽卷,好多同學仔都十分恐懼,覺得自己唔識聽、唔識講、更加唔識寫,因而放棄。今日Tutor Circle尋補 要講嘅就係 DSE English Paper 3。呢份 Paper 3 聆聽綜合卷令到唔少同學聞風色變,覺得聽唔明就已經人生已完,如果本身英文差點算?其實聆聽卷有唔少技巧可以幫到同學執分,即使英文能力差,仍然可以攞到好嘅成績!


英文聆聽卷三

英文卷三考兩個鐘頭,會同時考核學生嘅聆聽同埋寫作能力。

Part A 係 Listening,同學要聽完錄音材料之後作答,答題形式有 MC亦有長問答。



Part B 係 Integrated Skills,同學要聽完一段聆聽錄音之後,結合題目所比嘅閱讀資料,完成寫作任務。Part B 設有 B1 同 B2 ,考生可以自由選擇,B1 比較簡單 Tasks 較少,但最多得 Level 4,B2 比較難,Tasks 較長,但等級無限制。


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

Part A:聽唔明點算?

英文聆聽-DSE English Paper 3
Listening聽唔明點算?(圖片來源

好多人都覺得,只要聽唔明錄音內容,成份卷就凍過水。但係其實,即使錄音內容未能完全記低,Part A 都有唔少位可以執分,例如 matching 、選擇題等。

另外,即使聽得到錄音嘅內容,亦有好多位需要特別小心,以免詞不達意,聽到都攞唔到分。

Part A 注意事項

1. 善用閱卷時間

DSE 嘅聆聽卷,問題多數會順着錄音材料鋪排,但係亦都有一類型嘅題目切喺題目嘅最後方,但係要求學生整合整段錄音材料嘅內容。

 例如題目要求你訪問兩名學生,但最後一條要求你比較兩個學生嘅答題態度,如果是先冇留意首名學生嘅態度,答到最後一題嘅時候可能已經唔記得。

所以,閱讀時間除咗係俾你熟習題目之外,同學一定要提早 Mark 低唔跟時間順序出嘅題目,提醒自己要留意。

2. 聆聽卷貼題技巧

DSE嘅聆聽卷取材貼合日常生活,千變萬化,一般來講好難貼題。但係仍然有幾耐題目,每年都一定會出,例如香港地方名,日期等。

有心溫書嘅同學,可以喺考試之前背一背香港嘅地鐵站英文名,同埋12個月份嘅英文等。雖然花費嘅時間比較長,但至少唔會係呢啲送分題入面失分。

Part B: 完全做唔切?

英文聆聽-DSE English Paper 3
做唔切Part B點算好?(圖片來源

相信好多同學喺Part B遇到嘅問題都係做唔切。的而且確題目除咗要求同學係一開始嘅聆聽材料入面記得重點之外,亦要求同學係非常之短嘅時間入面睇晒data file,再完成幾個長嘅writing tasks,無返咁上下手速係做唔到嘅。

Part B技巧

1. 操卷做熟題型

Part B其實每年出嘅題型固定,通常都係report / email / letter / article等等,呢啲題型其實有固定結構,預先熟讀就可以加快寫作嘅速度。

2. 留心睇題目要求

Part B Data file一段資料通常會為學生出任務,會解釋任務嘅內容同埋要求,同學要細心閱讀呢一段資料,通常有幾個得分為已經可以喺呢一度見到。

例如如果寫投訴信,語氣要嚴厲,闡述事件時需要使用過去式;如果係寫Proposal,多數使用將來式,語氣要有禮貌等等。

3. 切忌搬字過紙

Part B雖然好考同學嘅寫作速度,但係同學要記住唔好一味靠抄,搬至過紙。同學一定要先消化Data File內容,再用自己嘅文字將重點寫入去任務入面,成段照抄只會過於累贅。

總結

英文卷三係英文卷入面其實算比較簡單一份,技術含量唔係十分之高,同學可以多加操練,訓練自己寫作嘅速度,加上一啲小技巧,即使英文能力本身唔係10分高,亦都可以執到唔少細分!

延伸閱讀 :
【英文作文】唔識點落筆?4大技巧寫出高分英文作文!(附句式參考)
【DSE英文作文】靠背文都過到骨?English Paper 2背書技巧!

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
英文聆聽
英文聆聽

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言