You are currently viewing 【獎學金】大專生想攞「船」有咩選擇?

【獎學金】大專生想攞「船」有咩選擇?

  • Post author:
  • Post category:小編分享
  • Post published:2020-06-18
  • Post last modified:2020-06-18

大專生係讀書時期一窮二白,大部份都咩住一身學債,要負擔得起校園生活嘅各種開支,有唔少學生都會放眼獎學金 (scholarship),即係俗稱嘅「船」,咁船到底系點樣申請,大多數又有啲咩申請嘅條件呢?等Tutor Circle尋補 馬上為大家介紹一下啦!
 

小學練習


入學獎學金


入學獎學金
圖片來源
 
唔少大學都設有入學獎學金,呢個係根據freshmen文憑試嘅成績而分發,以港大為例,就會睇同學文憑試最佳表現嘅五科總分而派發獎學金,除咗以大學為單位所派發嘅獎學金之外,如果同學所就讀嘅學系本身資源比較豐富,咁學系本身會再派發一筆獎學金,唔同嘅學系會有唔同嘅獎學金額。
 
以小編為例,小編當初入讀一個雙學位,就有分別係大學同埋其中一個學院到收到兩份嘅入學獎學金,比較特別嘅係唔同嘅學院比嘅獎學金金額亦都唔一樣,其實好容易就分到大學入面嘅邊個學院資源比較多,因為佢哋通常派獎學金都會比較重手!
 

GPA獎學金


GPA獎學金
圖片來源
 
除咗入讀大學嘅時候所派發嘅一次性獎學金,係大專生讀書嘅呢幾年期間,如果學生成績卓越,都可以用佢哋嘅GPA去申請唔同嘅獎學金,呢類型嘅獎學金申請條件就比較簡單,最主要睇學生嘅學術成績,只要你本身成績夠好,只要填幾份表格,就會攞到GPA船,大專生不妨試吓努力過三爆四,因為呢啲GPA獎學金通常都好可觀㗎!
 
 



課外活動獎學金


課外活動獎學金
圖片來源
 
除咗以學術成績為申請資格嘅GPA獎學金之外,亦都有唔少獎學金係以學生嘅課外活動為申請資格,最common嘅就係以義工時數為標準嘅獎學金,只要同學平時做夠一定嘅義工時數就有資格申請,但留意番呢類型嘅義工時數通常都係非常之高,想要申請呢類型嘅獎學金,真係少啲毅力同決心都唔得㗎!
 
 


Copyright © 2022 Tutor Circle 尋補. All rights reserved. 此文章未經許可,不得轉載。
Copyright © 2022 Tutor Circle 尋補. All rights reserved. 此文章未經許可,不得轉載。

論文獎學金


論文獎學金
圖片來源
 
同學入讀大學之後,就會發現faculty成日都會send email俾你,邀請你參與一啲論文獎學金 (essay prize),論文獎學金嘅形式通常都係一啲嘅機構會預先設定唔同嘅論文題目,同學做好研究,遞交論文之後,對方就會超想出佢哋最滿意嘅論文,為該同學頒發獎學金。
 
呢類型嘅獎學金嘅好處係,大部份嘅大專生都會怕麻煩,唔想喺自己空餘嘅時間做論文,所以通常競爭都會比較細,攞到獎學金嘅機會率比較大!
 

比獎學金你讀書?


比獎學金你讀書?
圖片來源
 
呢類型嘅獎學金比較適合準備畢業嘅大專生。市面上有唔同嘅大公司都會設立獎學金,為合資格嘅大專生提供學費,有啲係供讀你大學最後一年,有啲甚至係會為你工讀外國頂尖嘅大學碩士學位,但通常都會有個條件,就係你畢業之後要同呢一間公司簽約,係呢一間公司度工作,成為你嘅grad job,所以呢一個可以睇成公司培養未來員工嘅一種手法。
 
所以通常呢類型嘅獎學金,申請條件會比較嚴苛,亦都會需要考生經過幾輪嘅面試,要特別留意番呢類型嘅獎學金彈性比較低,同學冇得揀想讀嘅學府或學科,收咗錢之後亦都一定要幫返呢一間公司工作,所以接受Offer之前一定要諗清楚啊!
 

總結

大學生要攞船其實有唔同嘅方法,最緊要嘅係認清自己嘅優勢,揀一啲適合自己嘅獎學金,咁樣成功申請嘅機會率先至大架!

大專生想攞獎學金可以點做?
圖片來源
延伸閱讀:【大學生信用卡】申請信用卡嘅3個原因同3個伏位
 
 
此文章純屬 Blogger 個人分享,並不代表本網誌立場。
 

想追返學校進度?Tutor Circle尋補有超過35,000個三大導師,最快兩小時幫你搵一個優秀既上門導師!

想搵 一個合適既私補老師

DSE讀得咁辛苦,想活用知識黎賺下外快?

想搵 好多好多私補學生

緊貼尋補 BlogFacebookInstagram,想尋補?搵Tutor Circle

 
Z世代 修辭手法 Ocamp
英文補習 上莊 中文補習 議論文
slp smaple 補習網 數學補習
大學五件事 綜合格式

留言