國際學校排名

【國際學校排名 2023】全港國際學校學費、排名、升學資訊一覽

studentconversion
tutor registration

香港有多間國際學校,每間國際學校都有唔同嘅學制、招生條件、學費、排名同申請方法,真係睇到花多眼亂。小編今天就喺Tutor Circle 尋補 整理全港國際學校排名、入學資訊、收生要求、學制介紹等,還會簡略介紹國際學校的特色,方便家長及同學作入學前嘅最後準備。


1. 國際學校排名及學費2023(排名以世界首20名大學取錄率為標準)

排名學校(中文)學校( 英文)IB平均分世界首20名大學取錄率學費
1德瑞國際學校German Swiss4124%高達$219,700
2漢基國際學校Chinese Int’l School40.8914%高達$291,200
3香港李寶椿聯合世界書院Li Po Chun UWC35.913%$198,000
4哈羅香港國際學校Harrow Int’l School12%$212,023
5弘立書院Independent Schools Foundation4111%$267,260
6香港國際學校HKIS11%$236,300
7法國國際學校French Int’l School37.929%$205,107
8啟歷學校Kellett School7%$230,700
9南島中學ESF South Island School37.15%$144,700
10香港加拿大國際學校Canadian Int’l School394%$215,300
11港島中學ESF Island Schoo38.53%$144,700
12英皇佐治五世學校ESF KGV37.83%$144,700
13滬江維多利亞學校Victoria Shanghai Academy37.32%$143,400 –$201,420
14西島中學ESF West Island School38.22%$144,700
15耀中國際學校Yew Chung37.32%$239,630
16美國國際學校American Int’l School1%$165,000
17英基沙田學院ESF Shatin College401%$144,700
18聖保羅男女中學(IB班)St. Paul’s Coed (IB Class)43.1$96,500
19拔萃男書院(IB班)Diocesan Boys’ School (IB)42$117,300–$204,864
20新加坡國際學校Singapore Int’l School40$221,300
21保良局蔡繼有學校Po Leung Kuk Choi Kai Yau School39.79$90,750–$136,048
22真道書院 (IB課程)Logos Academy39.5$83,680
23啟新書院Renaissance College38$170,900
24英基智新書院ESF Discovery College36.1$179,600
25香港諾德安達國際學校Nord Anglia Int’l School35.1$197,770
26香港澳洲國際學校Australian Int’l School34$223,100
基督教國際學校International Christian School$173,300
香港墨爾文國際學校Malvern College Hong Kong$202,480
學費按年級、選讀課程而有所不同,詳情及最新學費請參閱校網。

*國際學校排名根據學校IB平均分以及知名大學錄取率進行評估

國際學校排名-德瑞國際學校
德瑞國際學校(圖片來源

2. 入學條件

國際學校主要係外籍人士嘅仔女,不過好多都歡迎本地學生申請。但如果想喺國際學校讀書,家長就要特別留意小朋友嘅英語能力,因為唔少國際學校都期望自己嘅學生,不論係國際生定係本地學生嘅英語能力,都要接近流利(native)。為咗測試學生嘅英語水平,大部份嘅國際學校都會有英文入學筆試同即場面試,學生必須要通過咗先可以入讀,所以家長幫仔女報讀國際學校嘅時候就要特別留意,同埋趁早就要訓練吓佢哋嘅英語水平啦。



英文能力固然重要,但係家長同仔女都要留意翻每間國際學校各自嘅收生要求,甚至係優先取錄口條件。例如耀中國際學校,如果有兄弟姐妹喺耀中就讀或者係耀中校友嘅仔女,都會有被優先取錄。而某啲國際學校都會有地域收生要求,就好似沙田學院要求學生要居住喺新界同少部份九龍地區,住喺港島嘅家長就可能要另覓一間心儀嘅學校啦。


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

當然,上述的國際學校排名只供參考,畢竟報名費及學費也不便宜,家長及學生也應該了解每間學校的課程特色及教學方法等,考慮清楚後才報讀。

3. 招生程序

唔少國際學校都有自己一套嘅收生時間表,當中主要會分咗循環招生下一學年招生。循環招生一般係指全學年只要有任何年級有空餘學位,都會接受入學申請同進行分班測試或者面試(如啟歷學校同弘立書院),如果通過咗就可以入學啦〜
而新學年招生亦都係國際學校最常見嘅收生方法,就好似英基學校協會(ESF),新學年將會喺9月接受入學申請 (留意翻Grade1同Grade7報名同截止日期都有唔同㗎),並會喺10月截止報名,如果逾期申請嘅話更加會排喺輪侯名單(waiting list)。要特別留意有啲國際學校更加係唔會接受逾期申請㗎,唔小心錯過咗報名日子就唔抵啦!
雖然唔同學校都會有自己一個嘅收生日程,但一般都係跟以下嘅時間,家長記得要密切留意心儀國際學校嘅網頁啦。

日期收生程序
9月至11月接受申請及截止
12月至3月面試及測試
3月至4月公佈結果、交訂金/留位費

4. 學制簡介

唔少家長喺揀國際學校嘅時候都唔喺好清楚唔同學校所行嘅學制,而且都會對入學年紀同國際學校銜接嘅年級有所疑惑㗎!其實香港國際學校所行嘅主流學制有英國、美國同加拿大。行英國學制嘅學校要五歲先可以就讀一年級,而中學會讀七年,所以由小學到讀完中學一共要十三年。而行英國學制嘅國際學校都有分唔同考試類型㗎,例如公開試考IBDP(亦稱IB)嘅有英基、德瑞國際學校等;亦都有國際學校會考A-Level,例如啟歷國際學校。

國際學校排名-DSE及IB成績分數對照
DSE及IB成績分數對照

而美國同加拿大學制同香港學制一樣,都係要六歲先可以讀一年級,小學同中學一樣都要讀十二年。美國學制嘅考試類型係SAT,而行呢個考試制度嘅學校有香港國際學校、基督教國際學校;行加拿大學制嘅國際學校主要會行OECD同Alberta,而行呢兩個考試制度嘅學校例子分別有地利亞加拿大學校同宣道會劉平齋紀念國際學校等。家長喺揀國際學校嘅時候記得要考慮埋佢哋嘅學制同入學年紀呀!

2023年度9月入學學生年齡英國學制美國/加拿大學制香港學制
2018年9月1日至2019年8月31日4歲幼稚園學前班幼稚園中班(K2)
2017年9月1日至2018年8月31日5歲一年級幼稚園幼稚園高班(K3)
2016年9月1日至2017年8月31日6歲二年級一年級小學一年級
2015年9月1日至2016年8月31日7歲三年級二年級小學二年級
2014年9月1日至2015年8月31日8歲四年級三年級小學三年級
2013年9月1日至2014年8月31日9歲五年級四年級小學四年級
2012年9月1日至2013年8月31日10歲六年級五年級小學五年級
2011年9月1日至2012年8月31日11歲七年級
(中學第一年)
六年級小學六年級
2010年9月1日至2011年8月31日12歲八年級七年級中學一年級
2009年9月1日至2010年8月31日13歲九年級八年級中學二年級
2008年9月1日至2009年8月31日14歲十年級九年級中學三年級
2007年9月1日至2008年8月31日15歲十一年級十年級中學四年級
2006年9月1日至2007年8月31日16歲十二年級十一年級中學五年級
2005年9月1日至2006年8月31日17歲十三年級十二年級中學六年級

5. 學額

隨住家長對於國際學校嘅需求不斷咁上升,學校學額嘅競爭都非常激烈。其實唔少國際學校都會加開學額。根據最新數據,國際學校中小學嘅學額合共有46,088個,當中中學學額有20,921個,而每一間學校的位置都不一樣嘅,家長要睇翻心儀學校每一年調整嘅學位數量啦。

6. 學費同債券制度

相信唔少家長都有聽過,讀國際學校除咗每年都要交學費同留位費之外,仲要買佢哋機構嘅私人債券/企業債券/本金券去作為優先取錄機會,咁係因為大部份嘅國際學校都係以私人機構營運,係冇接受任何政府的資助嘅,所以發行債券係為咗學校基建或發展新課程項目而自行籌資。但要留意每間國際學校嘅收費形式同政策都不同,例如債券嘅價錢、係咪可以喺二手市場轉手、債券係咪可以歸還、變賣債券嘅利潤係咪要同學校對分等等。家長亦要注意買咗債券唔代表校方一定會錄取學生,只係代表會優先考慮仔女,所以家長喺買債券之前記得要好好衡量自己嘅經濟能力呀!其實本港仲有好多國際學校係唔需要買債券,只會考慮入學成績,名聲都唔錯㗎,家長㩒落去「全港國際學校比較」就可以知得一清二楚啦!

國際學校排名
弘立書院(圖片來源

總結

國際學校嘅學費昂貴,好多都有一條龍服務,唔參與教育局統一派位,家長同學生喺報讀之前,應該要了解清楚,估計自身嘅經濟能力等。不過,國際學校課程銜接外國教育,對於想國外發展嘅家庭係個不錯嘅選擇。

延伸閱讀 :
【全港中學排名】香港中學最新排名TOP100*內附名校詳細分析
【直資中學】最新直資中學名單及學費排名
【國際學校指南】全港最齊全國際學校學費

參考資料1 參考資料2

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
國際學校排名
國際學校排名

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言