You are currently viewing 【JUPAS策略】剩係成績好都唔得㗎!JUPAS揀科策略你要知

【JUPAS策略】剩係成績好都唔得㗎!JUPAS揀科策略你要知

studentconversion
tutor registration

年年嘅中六學生都一定要煩嘅,就係JUPAS揀科究竟點搞好,排位點排先最大機會中,其實點都有啲策略幫到你嘅〜有煩惱不妨睇下Tutor Circle 尋補呢篇blog幫唔幫到你!
 


1. 必去大學OPEN DAY

為左幫助中學生更加了解每間大專院校嘅課程同校園特色,係每年大概9月尾開始就會搞OPEN DAY,每個department分別都會擺booth,派發一啲介紹課程嘅資料同刊物,亦都會有就讀緊個個課程嘅學生,甚至係教緊個課程嘅tutor都會在場,等同學可以問下相關嘅野,而佢地亦都可以用最切身嘅經驗黎解答同學嘅疑問,同時當日你都可以參觀下個校園,睇下啱唔啱你心水,當做個入U心理準備都好〜所以如果你覺得自己手頭上嘅資訊唔夠,絕對要去下大學嘅OPEN DAY,問下可能係你未來嘅組爸組媽嘅人,攞多啲資料幫你做抉擇

2. 興趣定前途行先?

好多中學生都會糾結呢個問題,不過本人相信,十個有九個嘅過來人,都會話唔需要糾結呢個問題,因為必然係興趣行先,最簡單嘅原因,勉強無幸福,同拍拖一樣道理,就算個男仔係高富帥又對你好好,係你可能會有啲心動,但原來你對佢無感情,你又點捱到對佢一世呢 ,揀左科你無興趣嘅,大學四年好易變地獄,讀得辛苦又讀得唔好,就算係好有前途,出到嚟做咗個一行,分分鐘會令你厭惡而最後都係辭職……所以記得以興趣為先,唔好浪費大好青春係自己唔鐘意嘅事上面,要無悔呀!
JUPAS 策略



3. 誠實面對自己

可能你會心諗:下關咩揀科事 ? 話你知,絕對關 !因為你要面對自己嘅能力,唔可以太高估,都唔可以太低估自己,誠實面對自己可以係DSE攞到幾多分,而唔係估估下,先可以排到一個有利於你入U嘅揀科次序㗎嘛〜所以最好就揀到一科你有興趣又有頗大把握嘅科放band A,咁就真係皆大歡喜!如果好kick手,有興趣嘅發覺努力完都入唔到,而你又覺得呢科/行業真係你人生夢想,不妨花多啲時間,轉多幾個彎,或者可能暫時放棄degree,由asso甚至係其他專業課程讀起,慢慢再向上升,都未必係壞事嚟㗎。
JUPAS 策略
簡而言之,做research,自己意願行先,唔好俾人左右你嘅想法,Jupas揀科排位就piece of cake啦!


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。


延伸閱讀 :
【各大院校收生要求】 最新!一文睇哂10間大學Admission Score、收生標準
【Non-JUPAS】大學非聯招報名時間表及申請攻略
即睇更多【Jupas攻略】!
 
*此文章純屬 Blogger 個人分享,並不代表本網誌立場。

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
JUPAS策略
JUPAS策略

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言