教大校巴

【教大校巴】入得教大 你唔係唔知啊?- 剖析大學系列!

studentconversion
tutor registration

志在做老師嘅你,入咗教大未呢?如果你入到,又聽過教大嘅秘聞未?今日就同你剖析下教大有咩特別事啦 😀 一齊同尋補Tutor Circle踩入edu u~
 


1. 女廁多到好誇張!

如果科大都俾人叫做男校,咁教大就係名副其實嘅女校!2017學校數據都話男女比例係 1: 2.8 :o) 而校方都有行動應對呢個男女失衡嘅情況。就係瘋!狂!起!女!廁!係早幾年,學校已經將女廁增加到成319個,反而男廁就減到得翻133個……如果有機會係教大打個轉,分分鐘唔會見到男廁嘅出現 D:男學生急起上黎,真係要個腦到plan定個路線圖,先知點可以最快去到最近嘅廁所 XD
教大被稱為女校,科大嘅數學系一樣被稱為和尚寺!

有冇咁誇張啊?



教大校巴

2. 7-11係教大學生救星?

大部分大學嘅canteen都會俾人話係頹食,教大都唔例外,當中嘅C座canteen (C Can),更加係出左名難食 :$小編嘅朋友第一年入去,佢形容裡面嘅麵,永遠都淥唔淋,食幾多次屙幾多次 :$所以唔少學生有天地堂嘅話,都寧願坐車出去大埔沙田呢啲地方食。而無時間嘅學生,佢地嘅救星就係C Can過啲嘅7-11好彩裡面仲有正常撈麵、燒賣、魚蛋救翻學生一命 :D想要cafe都仲有間Pacific Coffee,high class少少都無問題!:D教大嘅Freshmen,睇完篇blog就要識得執生啦@@
教大校巴


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

3. 大學校巴服務?

教大嘅地點比較偏僻,要去到學校門口,一係就係大學站坐校巴,一係就係大埔墟站坐巴士,但係巴士車程耐,班次疏,所以一到翻放學時間,排校巴條隊真係長過排買黑糖珍奶嘅隊。不過校巴就必需要有學生證拍到卡先可以坐 :$ 如果唔係,你跪求個司機都無用啊……小編朋友個時遲左入學未攞到學生證,同個司機解釋完都係坐唔到校巴,要幾個人齊齊飛的先趕得到上9點堂 :o而且有部分校巴都幾殘舊,小編朋友就試過坐係校巴裡面最尾個行,架校巴係上斜途中仲好似唔夠力上斜咁,佢聞到有燶味,於是向後一望,個車尾出晒煙!!!佢當刻真係以為架車會爆炸,好彩最尾都平安無事翻到學校 :$聽完你又仲會唔會坐校巴呢?不過都好似無得你唔坐 XD
教大校巴
仲想唔想知其他U有咩特色呢?想就記得留意下一篇blog啦!
 
延伸閱讀:
【港大傳說】入得香港大學 你唔係唔知啊?- 剖析大學系列!
【中文大學】入得中大 你唔係唔知啊?- 剖析大學系列!
【幼兒教育】幼教課程邊間好? 讀完幼教唔做老師仲有咩出路?
 

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言