週末好去處

【週末好去處 2022】唔想再行商場咁悶?探索5個香港好去處

  • Post author:
  • Post category:吃喝玩樂
  • Post published:2022-03-06
  • Post last modified:2022-03-06
studentconversion
tutor registration

週末好去處,除了商場、主題樂園或者去行山之外,還可以去哪裏?不斷行大型商場很容易覺得好悶,不過因為疫情還未結束,去旅行實在不太方便。因此,希望大家可以一同發掘多啲週末好去處。今日,Tutor Circle 尋補 小編整合了5個香港的 週末好去處 ,推薦給大家。
延伸閲讀:【家庭活動】抗疫時期可以有咩搞?家庭親子活動提議!
 


週末好去處 1. 南豐紗廠

週末好去處-南豐紗廠
南豐紗廠(自攝)

首先,小編要介紹的 週末好去處 就是南豐紗廠。經過咗為期三年嘅大型翻新工程,南豐紗廠終於係早前正式重新開始以商業形式營業,再現大家眼前。當中將三座獨立既建築物改建成單一建築群,變成咗一個文化創意基地。現在活化後,將多種藝術元素集於一身,亦保留了舊廠房既特色,將兩者融入,讓大家以不同角度遊走南豐紗廠既歷史與現代創新既空間,感受南豐紗廠嘅歷史故事。此外,南豐紗廠有唔少地方俾大家「打卡」,或者拍「男、女神IG相」。不過,小編提提大家影相嘅時候要小心安全,由白田壩里入口進入南豐紗廠,大家抬頭就會睇到一幅肖像及南豐紡織有限公司既名字。這幅肖像是葡萄牙藝術家Alexandre Farto所創作。之前,小編都有抬起頭望過呢幅肖像畫,最初只係以為幢牆爛咗(p.s小編無藝術感),後來再認真啲望,先發現佢係一幅肖像畫,然後就企咗喺度,望左2分鐘,覺得好靚,亦佩服創作者嘅理念。因為肖像畫係以無名英雄為題,象徵着香港上一代堅忍勤勞,奮鬥不息嘅精神,同時向昔日的紡織業工人致敬,如果大家得閒,不妨企喺度望,以唔同嘅角度欣賞呢幅肖像畫,體會以前香港紡織業工人嘅精神。

週末好去處 2. 大館

週末好去處-大館
大館(自攝)

然後小編要介紹的 週末好去處 係「大館」(TAI KWUN),大家知唔知佢嘅前身係啲咩呢?冇錯,其實佢既前身系「中區警署建築群」,閉館10餘年後開放予公眾參觀,園區內保留逾170年歷史的「中區警署」、「中央裁判司署」及「域多利監獄」三項法定古蹟,原來係未活化之前,大館系由16棟歷史建築同埋幾個戶外空間組成,包括:監獄操場,頭先小編都講咗大館有保留三項法定古蹟,因為佢哋希望向市民呈現原本嘅樣貌,亦都加建咗由瑞士建築事務所Herzog & de Meuron(HdM)設計既「當代藝術館」。由瑞士建築事務所Herzog & de Meuron(HdM)設計既大館當代美術館,外牆以循環再造的鋁合金打造出磚塊感,並設計成「不反光」,容易引人注目。藝術館入口有一條連接四層的樓梯,十分獨特,因為佢係旋轉形設計,市面上好少見樓梯係旋轉形,多數都係長方形,小編都好想去嗰度睇吓條樓梯。大家應該都會覺得呢條樓梯不單止優雅,而且有時尚感。如果大家去大館度參觀,又見到樓梯冇乜人,不如就喺呢度打卡,同條樓梯影相啦!



週末好去處 3. 柯士甸山遊樂場

週末好去處-柯士甸山遊樂場
柯士甸山遊樂場(圖片來源

第三,小編要介紹的 週末好去處 柯士甸山遊樂場。大家覺得柯士甸山遊樂場似啲咩呢?好多人話佢系富豪後花園,係一個世外桃源,遊樂場更加採用咗傳統英式既設計概念,好似外國既公園。柯士甸山遊樂場亦有一片廣闊的草地,令人心曠神怡,而且係一個野餐好去處,不但有優美典雅既噴水池,亦都有遊樂空間,可以俾小朋友自由玩樂,不妨帶小朋友過嚟放一放電。這個位於山上既秘密花園,系新人鍾意拍婚紗相嘅熱點,因為呢度景靚之餘人又唔多,如果去公園hea都人頭湧湧既話,唔單止唔可以專心咁欣賞美麗嘅風景,而且仲冇晒mood添!不過,呢個隱世花園就可以俾大家稍為喘息,或者同屋企人傾吓心事,令自己嘅心情變得輕鬆。柯士甸山遊樂場內有座尖頂既紅磚屋,你估下呢間屋係啲咩嚟?博物館?其實係一個公廁,大家係唔係估唔到就連公廁都做到咁豪華,咁靚,即刻想到達嗰度去廁所呢?喺柯士甸山遊樂場享受了一個悠閒下午,放鬆心情之後,不妨再徒步去鄰近嘅山頂廣場,搵一個地方坐低,同朋友、家人談下心啦!
延伸閱讀:【親子Staycation】必去主題酒店!香港迪士尼樂園酒店國賓廳露台海景房| 超好玩滑水梯!海量活動玩不完!
延伸閲讀:【室內好去處2021】雨天去邊好?香港12大室內玩樂熱點推薦 


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

週末好去處 4. 愉景灣

週末好去處-愉景灣
愉景灣白教堂(自攝)

第四,小編要介紹愉景灣。相信大家都知道愉景灣系一個瀰漫著西洋風情既休閒社區,雖然大家既生活節奏都係好慢,但係愉景灣有好多嘢食同埋玩樂設施,提供咗一個空間,俾我哋休息,遠離煩囂,就連好多外國人都特登入嚟玩返一日,好鐘意呢個社區。如果大家有好多煩惱,想一個人靜吓,不妨搭船嚟愉景灣。除咗慢活之外,大家一講起愉景灣,會諗到啲咩呢?小編會諗起愉景灣有唔同嘅市集,而且有好靚嘅沙灘。不過,小編最鐘意既系D-Deck,佢系一個美食區,雲集咗唔同國家菜式既餐廳,重要既系D-Deck的餐廳都是露天臨海,不論喺下午飲杯Espresso,定係夜晚,睇住迪士尼煙花,吃頓燭光海鮮餐,都系一件好開心嘅事。如果大家得閒,不妨嚟愉景灣放鬆心情,體驗一下慢活嘅樂趣。

週末好去處 5. 鹽田梓

週末好去處-鹽田梓
鹽田梓(圖片來源

最後,小編想介紹既週末好去處係鹽田梓。鹽田梓位於西貢海既小島,又叫做鹽田仔,喺香港比較隱世嘅景點,可能大家都唔知道或者冇聽過呢個景點,不過,小編認為大家喺有生之年,應該都要去一次鹽田梓,因為環境幽靜,空氣都格外清新。如果大家想喺假期輕鬆一下,享受美好既假日,不妨選擇這個已經差不多三百年歷史的地方看看。可能大家唔係好想行太多路,覺得辛苦,但又想親親大自然。如果你有呢個諗法,去鹽田梓度行行就啱晒你啦!全長基本上不足兩公里,沿途你除了可以欣賞到帶著不同故事的景點,更可以享受到一片格外的寧靜,一次滿足你三個願望。雖然大家可以睇到鹽田梓有唔少荒廢咗嘅住宅,但係正正因為咁樣,可以俾你了解更多過去很有意思的故事。如果大家去鹽田梓,記住要到訪聖若瑟堂。區內有不少村民都信奉天主教,呢度可以為佢哋提供一個安靜舒服既空間。教堂外型非常簡潔美麗,十分值得拍照留念。不過,記住係拍照既同時,要尊重其他遊客同埋市民,係教堂內都要保持安靜啊!
 

總結

以上就係小編所介紹的 週末好去處 ,希望大家鍾意啦!小編認為大家喺放假既時候,就應該唞一唞,休息一下,充足電,然後迎接新嘅工作日。但係而家世界各地仲有疫情,雖然疫情有緩和跡象,但未完全受控。喺呢年,大家都應該唔方便去旅行,可能大家覺得留返喺香港好悶,唔想再行大型商場。其實,香港除咗大型商場,仲有唔少好去處,可以俾我哋欣賞靚靚風景。如果大家想規劃行程,喺香港盡情玩返一日,不妨參考返小編頭先所介紹嘅熱點,不過大家要記住佩戴口罩,尊重其他遊客同埋居民,咁樣大家就玩得開心又放心啦!
 
延伸閱讀:
【親子好去處】 恐龍迷注意❗️九龍灣室內限定恐龍樂園~多項活動附攻略!
【西九文化區】M+博物館、戲曲中心等西九打卡攝影攻略|週末好去處
【親子好去處】香港最美的日落!打卡拍照必去景點~無邊際日落海景飛機在頭上飛過!機場維修區+東涌海濱公園~

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。


尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言