You are currently viewing 【室內好去處】香港 – 落雨不怕,落雪也不怕?

【室內好去處】香港 – 落雨不怕,落雪也不怕?

  • Post author:
  • Post category:吃喝玩樂
  • Post published:2018-11-16
  • Post last modified:2023-07-21
studentconversion
tutor registration

夏天,為大地帶黎雨水,但就算唔落雨,夏日炎炎都會燒滾所有人。究竟室內除左Party room;食放題;睇戲之外,仲有咩搞作?Tutor Circle尋補話你知落雨都可以去玩。


1. 桌球/保齡球

唔知大家有無睇過《桌球天王》就算你無倚天cue,甚至唔識「篤波」都好,同三五知己一齊玩下都係一個考眼力、鬥智慧、比腕力嘅好遊戲,簡單易上手之餘,更加可以同朋友一齊玩。至於保齡球都係好似桌球咁,都係簡簡單單但又好好玩!
室內好去處 香港

2. Board game

講起board game,大家都可能淨係識,「大富翁」同「三國殺」,但其實,每年都有唔同嘅新board game,係外國仲有屬於board game嘅展覽。係香港,雖然board game無咁流行,但其實都有好多志同道合嘅開網上群組一齊玩,係唔同地區亦都唔難發現board game舖嘅蹤影。各位不妨去呢啲舖頭試玩,如果岩玩更加可以買走番屋企玩!
室內好去處 香港



3. 行博物館

好多人將博物館同悶掛上等號,但其實博物館都有好少見又有趣嘅事物。有啲更加同我地嘅生活息息相關!例如上年年尾香港文化博物館就同迪士尼彼思合作,展覽《怪獸公司》、《反斗奇兵》及《玩轉腦朋友》等相關展品!而其實香港仲有好多其他博物館等待大家發掘架!
 


Copyright © 2023 Tutor Circle 尋補. All rights reserved. 此文章未經許可,不得轉載。
Copyright © 2023 Tutor Circle 尋補. All rights reserved. 此文章未經許可,不得轉載。

4. 樓上cafe

講起飲野好多人會去starbucks,但係其實係落雨果陣,一個人靜靜地帶本書係樓上cafe一路享受飲品,一路慢慢閱讀、慢慢思考,而休息果陣又可以欣賞雨景。呢種慢活同埋閒情逸緻可以令自己係快節奏嘅香港好好放鬆一下。
 

5. 免費室內兒童遊戲室

如果想享受一大家細嘅天倫之樂嘅話,就係算落雨,都係可以去由康文署轄下嘅遊戲室,入面有唔同設施比4至9歲嘅小朋友遊玩,而唔同嘅遊戲室更加有唔同嘅主題,例如海洋、森林同埋快樂農莊等等,可以比佢地玩齊哂咁多樣唔同嘅野!
室內好去處 香港

6. 溜冰

溜冰都係老少咸宜嘅活動,無論係同屋企人,定係朋友都好,都可以一齊係溜冰場上盡情飛馳,展現活力。除左自己落場玩之外,更加有機會可以觀摩溜冰高手精彩嘅花式動作,係視覺享受一下。而渾灑完汗水之後,可以順便一班人一齊行商場購物同埋食好西。
 

7. 荃灣「地上街」

係日本,唔單只係地上購物,連地下都係去係地下街到買野,可以話係日本嘅地下樂園。如果你想落雨堅持行街嘅話,又唔想困係一個商場嘅話呢。係香港,雖然無地下街,但係係荃灣形形色色嘅商場係行人天橋之間互相連接,大商場有荃新天地、細商場都有好多個;入面有賣小食嘅;亦都有賣衫嘅,甚至可以影貼紙相同埋扭蛋添!
 
如果成日放假都無野做,咁可能真係因為香港好無聊,無咩新鮮事可以做。但同時,係呢個時候都要反省下,點解有啲人用假期做到、學到好多野,而自己就係放假果陣係屋企呻悶,又或者,係你覺得無野好做嘅時候,不如發掘香港嘅活動之餘,發掘多啲自己。

延伸閱讀:
考完DSE係屋企「回血」嘅三個方法
Re U 好去處 – 快啲約齊你嘅ocampmate嚟個Re U啦
 
此文章純屬 Blogger 個人分享,並不代表本網誌立場。
 

*此文章由 Blogger個人/編輯團隊 分享並僅供參考,意見及內容並不代表本網誌立場,Tutor Circle 尋補 對信息或內容所招至的損失或損害,不會承擔任何責任。
室內好去處
室內好去處

尋補?Tutor Circle!

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言