小一叩門有咩貼士？2022小一派位結果將會在於6月頭經香港郵政派發《小一註冊證》公布結果，相信眾多家長嘅心情都會好緊張，希望子女可以派到一間第一志願同心儀嘅小學，派位派到首志願嘅小學固然開心，如果未能派到去心儀嘅小學，就要把握機會到其他小學叩門，今次Tutor Circle尋補就為大家分享2022叩門貼士，等家長同小朋友為小一派位做好準備！

延伸閱讀：【小一入學】 全港熱門小學超收情況一覽表

熱門官立／津貼小學小一叩門安排2022

* 最新安排請參閱各小學校網。
延伸閱讀：【小學排名】Top100＆分區最新全港小學排名！

叩門必睇3大貼士

1. 冇「111」學校都可以嘗試

唔少家長係叩門時淨係會係三個階段都填寫同一間學校作為第一志願，有升學專家表示如果該間學校只係網上下載表格或網上遞交表格，家長亦可建議放膽一試。另外，有唔少小學都鐘意錄取喜愛閱讀嘅小朋友，都可能有機會會要求小朋友帶一本書過去面試，所以專家認為家長應該趁呢段疫情期間，培養小朋友多啲閱讀，順帶提升溝通能力，以應付面試。

2. 派位結果唔理想都要完成註冊

受到疫情影響，今年學校叩門面試嘅方式都會有所唔同，部分學校已公布叩門係需要考生提交影片，面試亦會透過網上進行，但仍然有大部分學校會以親身面見形式進行面試。建議家長預先到學校網頁睇下，確保睇熟學校資料同最新嘅叫門信息。升學專家提醒家長如果派位結果唔理想，都要根據教育局資料及程序，到所派學校完成註冊，否則就會當係放棄學位架啦。

3. 拍片避免太多花巧剪接

今年有部分學校取消親身面試，變做交影片及網上面試取代親身面試。升學專家就提醒家長係拍攝面試影片嘅時候要留意影片唔好咁多花巧嘅剪接。另外，影片也要注意避免背景音樂太多聲，咁樣好易會令到評審好難集中係小朋友身上，仲有影片內容一定要帶出家庭價值觀，同埋記住要突顯小朋友嘅能力。如果想搵製作公司拍攝公司拍攝影片，咁就要留意該間製作公司本身係從事邊類嘅拍攝工作。

總結

希望以上嘅小一派位2022叩門貼士可以幫到咁多位家長，最好就係希望大家嘅子女都可以派獲首志願，如果派位未如理想，都唔好放棄住，好好地咁準備叩門嘅面試，仲有機會入到心儀小學架！

延伸閱讀：
【小一面試】小學面試題目100條名校常見題/刁鑽情境題一覽
【直資／私立小學】全港小一學費排行榜
【小學面試】一文睇清小學面試注意事項：點樣準備先可以萬無一失？
【小一Portfolio】Portfolio的製作秘笈+範本 3大製作軟件介紹

尋補？Tutor Circle！

其他人還看了……

中學排名  呈分試  升中面試  英文補習
大學收分  Jupas  副學士  DSE筆記
大學五件事  私補價錢  Ocamp  暑期工
生日好去處  IQ題  任坐Cafe

留言